"என் பூஜையறையில் ரஹ்மான் போட்டோ!”

சுஜிதா சென்

“கடவுள் மாதிரி ஓர் இசையமைப்பாளர். சொர்க்கம் மாதிரி ஒரு பாடல். இதுபோதும் இந்த வாழ்க்கைக்கு...” பெருமிதத்தோடு பேசும் சாஷா திருப்பதி. ‘காற்று வெளியிடை’ பட ‘வான் வருவான்...’ பாடலைப் பாடியதற்காக சிறந்த பாடகிக்கான தேசிய விருதுக்குத் தேர்வு செய்யப்பட்டுள்ளார்.

“காலையில எழுந்ததும் இப்படியொரு செய்தியை எதிர்பார்க்கலை. சந்தோஷத்துல அழுதுட்டேன். அம்மா பயந்துபோய், ‘ஏன் இப்ப அழற’னு கேட்டாங்க. தேசிய விருது விஷயத்தை சொன்னேன். இது, என் வாழ்க்கையில நடந்த இரண்டாவது அற்புதம். ஏ.ஆர்.ரஹ்மான் சார் என்னைப்பார்த்து, ‘என் இசையில் ஒரு பாட்டுப் பாடுறியா’னு கேட்ட தருணம்தான் முதல் அற்புதம். ‘இது வெறும் ஆரம்பம். இன்னும் நிறைய பாடல்கள் பாடவேண்டும். நிறைய விருதுகள் வாங்கவேண்டும்’னு முதல் வாழ்த்தே ஏ.ஆர்.ரஹ்மான் சார்ட்ட இருந்துதான் வந்தது.”

Do you like the story?

Please Appreciate the Author by clapping!

Editor’s Pick