“ஏமாற்றம் தந்த பூமிக்கு இனி போவதாக இல்லை!” | Irom Sharmila leads a normal life after marriage - Ananda Vikatan | ஆனந்த விகடன்

வெளியிடப்பட்ட நேரம்: 06:00 (19/04/2018)

“ஏமாற்றம் தந்த பூமிக்கு இனி போவதாக இல்லை!”

சுஜிதா சென், படங்கள்: வி.சிவகுமார்

கொடைக்கானல் மலை வெயிலில் காய்கறிப் பைகளைச் சுமந்தபடி நின்றுகொண்டிருந்தார் அவர். பளிங்கு நிற முகம்; சுருட்டை முடி; தோளில் சால்வை. மூக்கில் உணவுக்குழல் மட்டும் இல்லை. இரும்புப் பெண்மணி  இரோம், இயல்பு வாழ்க்கைக்குத் திரும்பிவிட்டார் என்பதற்கான காட்சிதான் அது.

``காதல், திருமணம் இரண்டுமே வாழ்வில் முக்கியமானவை. போராளிகளுக்கும் சாமானிய மனிதர்களைப்போல இயல்பு வாழ்க்கையில் நாட்டம் இருக்கும் என்பது மற்றவர்களுக்குப் புரிய வேண்டும். மற்றபடி ஒரு போராளியாகத் தோற்றுப்போன என்னிடம் பேசுவதற்கு வேறு வார்த்தைகள் இல்லை” - வலியுடன் அதேசமயம் வலிமையாகப் பேசுகிறார் இரோம் ஷர்மிளா.

அமைதியின் உச்சமாய் இருக்கும் இரோமுக்கு அப்படியே நேர் எதிர் அவரின் கணவர் டெஸ்மாண்ட். மிக இயல்பான நகைச்சுவையுணர்வு, அரசியலைப் பற்றித் துடிப்பாகப் பேசுவது, தனது அடை யாளங்களைத் துறந்து இரோமின் காதலனாக, கணவனாக மட்டுமே வாழநினைப்பது என  டெஸ்மாண்டைப் பற்றிச் சொல்ல ஏகப்பட்ட விஷயங்கள் உண்டு.

இதயநோய் மற்றும் கிட்னி பிரச்னை எனப் பல்வேறு சவால்களுக்கிடையே வாழ்ந்துகொண்டிருந்தாலும் ``எனக்கென்ன, ஒரு தேவதையைத் திருமணம் செய்துகொண்டு ராஜா மாதிரி இருக்கிறேன்” என்று உரக்கச் சிரிக்கிறார்.