நாத்தம் போயே போச்சு! | Abandoned toilet in Ooty metamorphoses into art gallery - Ananda Vikatan | ஆனந்த விகடன்

வெளியிடப்பட்ட நேரம்: 06:00 (19/04/2018)

நாத்தம் போயே போச்சு!

ஜெ.முருகன்

“இயற்கையுடன் உறவாட  மட்டுமே ஊட்டிக்கு வரும் சுற்றுலாவாசிகள் இனி கலைக்காகவும் வர வேண்டும் என்பதுதான் எங்கள் ஆசை” என்கிறார் பொதுக்கழிவறைக் கட்டடத்தைக் கலைக்கூடமாக மாற்றிய நீலகிரி  மாவட்ட ஆட்சியர் இன்னொசென்ட் திவ்யா.

அரசுக் கழிவறைக் கட்டடங்கள் பற்றி அதிகம் விளக்க வேண்டியதில்லை. பராமரிப்பற்ற நிலை, மூக்கைத் துளைக்கும் துர்நாற்றம், சமூக விரோதிகளின் கூடாரம் என்ற பொதுவான அம்சங்கள் தமிழ்நாடு முழுக்கவே உண்டு. ஊட்டியில் அப்படியான ஒரு கழிவறைக் கட்டடத்தை மீட்டெடுத்து, அதனை அழகிய ஆர்ட் கேலரியாக மாற்றி எல்லோருடைய கவனத்தையும் ஈர்த்திருக்கிறார் சர்வதேச புகைப்பட ஆராய்ச்சியாளர் மற்றும் ஊடகவியலாளரான மாதவன் பிள்ளை.

கழிவறைகள் இருந்ததற்கான சுவடுகளே இல்லாமல் பட்டை தீட்டப்பட்டுப் பளிச்சென்று இருக்கும் அந்த இடத்துக்கு ‘கேலரி ஒன் டூ’ (Gallery OneTwo) என்று பெயரிடப்பட்டிருக்கிறது.  கடந்த மார்ச் 23-ல் இந்த கேலரி திறக்கப்பட்டதோடு, முதல் ஓவியக் கண்காட்சியும் தொடங்கியிருக்கிறது. உலக அளவில் நீர்வண்ணத்தில் மனித முகங்களை வரைபவர்கள் மிகச் சிலரே. அதில் மிக முக்கியமானவர் புதுச்சேரி, ஆரோவில்லைச் சேர்ந்த ராஜ்குமார் ஸ்தபதி. உலகம் முழுவதிலும் தனது படைப்புகளைக் கண்காட்சிகளாக வைத்து வரும் ராஜ்குமார் ஸ்தபதி, சர்வதேச அளவில் பல விருதுகளைப் பெற்றவர். இவரின் கண்காட்சி மற்றும் பயிற்சிப் பட்டறை ஏப்ரல் 23-ம் தேதி வரை நடக்கும் என்று அறிவித்திருக்கிறது கேலரி நிர்வாகம். இதுவரை மூக்கைப் பிடித்துக்கொண்டும், முகச்சுளிப்போடும் அந்தக் கட்டடத்தைக் கடந்து சென்ற பொதுமக்கள் தற்போது வாய்பிளந்து அதிசயிக்கிறார்கள்.

நீங்க எப்படி பீல் பண்றீங்க