சொல்வனம் | Poetry - Ananda Vikatan | ஆனந்த விகடன்

சொல்வனம்

ஓவியங்கள்: வேலு

பயணம்

ஒரு கடல் தாண்டி
மறுகரையை அண்மித்துவிட்டேன்.
இதுவரை வழிநடத்தி வந்த பறவை
ஏனோ எனக்கான பயணத்தைத்
தொடர விருப்பமின்றி அமர்ந்திருக்கிறது கரையில்.
நெருங்கி `தொடரலாமா?’ என்றேன்.
`மிகவும் சோர்ந்துபோயுள்ளேன். என்னால் இனிமேல் உனக்கு உதவ முடியாது
என்னை மன்னிப்பது சிறந்தது’ என்கிறது.
`நான் இந்தக் கடலையும் கடந்தாகணும்’ என்றேன்.
யோசித்த பறவை.
`அப்போ,
என் சிறகுகளை எடுத்துக்கொள்’ என்றது.
மகிழ்ச்சியோடு வாங்கிக்கொண்டு புறப்படுகிறேன்.
பறவை என் கைகளை வைத்துக்கொண்டு
எப்படி அந்த இருப்பிடத்தை அடையுமோ!

 - ஜே.பிரோஸ்கான்

Do you like the story?

Please Appreciate the Author by clapping!

Editor’s Pick