சொல்வனம்

காக்கைமை

ப்போதாவது பித்ருக்களுக்கு விருந்து அழைப்பு வரும்
மீதிப்பொழுதுகளில் யாசகம் கேட்டு வாசலிலிருந்து
வெறும் வயிற்றோடு திரும்புவார்கள்

கூடில்லாமல் தெருக்களில் அலைவார்கள்.
நாதியற்றவர்களாய் விரைவு சாலையில் செத்துக்கிடப்பார்கள்

தலையில் பித்ருக்கள் அர்ச்சதை தூவுவதை
எச்சம் என்று வாய் கூசாமல் தூற்றுகிறார்கள்

பசிக்குக் கண்டதைக் கொத்தி உயிர்த்திருக்கும்
திருட்டுப்பட்டம் சுமந்து கல்லடிபடும்
கட்டிவைத்து கொலையும் செய்யப்படுவார்கள்

இதை எழுதிக்கொண்டிருந்தபோது
காகமொன்று முள்ளெடுத்துப் பறந்துபோனது
இதை நீங்கள் வாசிக்கும்போதும்
இப்படி நிகழலாம்
அல்லது அப்படியும் நிகழலாம்

- பூர்ணா ஏசுதாஸ்

Do you like the story?

Please Appreciate the Author by clapping!

Editor’s Pick