ஆடா பராக்..!

பேலன் டி ஓர் (Ballon d’or) - கால்பந்தாட்ட உலகின் ஆகப்பெரிய விருது. மிகச்சிறந்த வீரர்களுக்கு மட்டும் கிடைக்கும் மரியாதை. ஜிடேன், மெஸ்ஸி, ரொனால்டோ என ஜாம்பவான்களின் கைகளில் தவழ்ந்த விருது. அந்த லெஜெண்டுகளின் பட்டியலில் முதல்முறையாக ஒரு பெண் பெயர் சேர்ந்திருக்கிறது.  நார்வேயைச் சேர்ந்த ஆடா ஹெகர்பெர்க் இந்த உயரிய விருதைப் பெற்றுள்ளார்.

ஆடாவுக்கு வயது வெறும் 23 தான்... ஆனால், கால்பந்துக் களத்தில் இவர் காட்டிய ஜாலங்கள் அவரை அந்த மரியாதைக்குரிய மேடையில் ஏற்றியிருக்கிறது.

தன் சகோதரி ஆண்ட்ரீன் கால்பந்து ஆடுவதைப் பார்த்து, விளையாடத் தொடங்கியவர் ஆடா.  பின்னாளில் அவரையே விஞ்சுமளவுக்கு வளர்ந்தார். 15 வயதில் தேசிய அணி, 16 வயதில் முதல் ஹாட்ரிக், 19 வயதில் உலகின் சிறந்த கிளப்பான லயானுடன் ஒப்பந்தம் என ஆடாவின் விளையாட்டுப் பயணம் டாப் கியரிலேயே இருந்தது.

Do you like the story?

Please Appreciate the Author by clapping!

Editor’s Pick