“கமல் எல்.கே.ஜி. ரஜினி, பேபி கிளாஸ்!” | Interview With politician Anbumani Ramadoss - Ananda Vikatan | ஆனந்த விகடன்

“கமல் எல்.கே.ஜி. ரஜினி, பேபி கிளாஸ்!”

த.கதிரவன் - ஓவியங்கள்: கார்த்திகேயன் மேடி

பா.ம.க டாக்டர் அன்புமணி ராமதாஸும், பா.ஜ.க டாக்டர் தமிழிசை சௌந்தர்ராஜனும் ட்விட்டரில் நடத்திவரும் ‘நீயா நானா’ மோதல்தான் தமிழக அரசியலின் ஹாட் டாபிக்!

`என்னதான் பிரச்னை...?’ என்ற  கேள்வியோடு பா.ம.க இளைஞரணித் தலைவர் அன்புமணி ராமதாஸைச் சந்தித்தேன்...

 `` ‘சாதியை வைத்து நான் சாதிக்கவில்லை’ என்று தமிழிசை உங்களைச் சாடுகிறாரே..?’’

“பா.ம.க-வின் வளர்ச்சியைப் பிடிக்காத, ஏற்றுக்கொள்ள முடியாத கட்சிகள்தான் எங்கள் மீது, திட்டமிட்டு சாதி சாயம் பூசுகிறார்கள்.

‘அன்புமணி, சாதி ரீதியாக இந்தத் தவற்றைச் செய்தான்’ என்று யாராவது என் பெயரில் தப்பு சொல்ல முடியுமா? எனக்கு சாதி, மதம், இனம் என்று எந்தப் பாகுபாடும் கிடையாது. தமிழ்நாடு முன்னேற்றமடைய வேண்டும் என்பது மட்டும்தான் என்னுடைய நோக்கம்.

நான் மத்திய அமைச்சராக இருந்தபோதுதான் அகில இந்திய மருத்துவத் தேர்வில், எஸ்.சி-எஸ்.டி மாணவர்களுக்கு 22 விழுக்காடு இட ஒதுக்கீட்டைக் கொண்டுவந்தேன். 2008-ல் இதற்காகவே பூட்டாசிங், திருமாவளவன், செ.கு.தமிழரசன் உள்ளிட்ட 37 தலித் அமைப்பினர் சென்னையில் எனக்குப் பாராட்டுவிழா நடத்தி விருது கொடுத்தனர். சித்த மருத்துவ ஆராய்ச்சி மையத்துக்கு அயோத்திதாசர் பெயர் வைத்ததும் நான்தான்!’’

Do you like the story?

Please Appreciate the Author by clapping!

Editor’s Pick