விஜய் - அரசியல், சினிமா இரண்டும் ஆரம்பம்!

ம.கா.செந்தில்குமார்

விஜய் ஹீரோவாக அறிமுகமான ‘நாளைய தீர்ப்பு’ படம் வெளியான 1992ம் ஆண்டைக் கணக்கில் கொண்டு, சினிமாவுக்கு வந்த 25வது ஆண்டு என்று ‘மெர்சல்’ வெளியீடு சமயத்தில் கொண்டாடினார்கள். ஆனால், விஜய் குழந்தை நட்சத்திரமாக அறிமுகமான 1984ம் ஆண்டைக் கணக்கில் கொண்டால், இது அவர் சினிமாவுக்கு வந்த 35ஆம் ஆண்டு. ஜூன் 22ம் தேதி அவரின் பிறந்த நாள். சினிமாவிலிருந்து அடுத்த அரசியல் வரவு இவர்தான் என்று எதிர்பார்க்கப்படும் நிலையில், அவரின் அரசியல் வருகை, அடுத்தடுத்த படங்கள் குறித்துப் பார்ப்போமா?

சினிமா:

காதல், காமெடி, ஆக்‌ஷன் படங்கள் வரிசையில் கருத்து சொல்லும் அரசியல் படங்களை இப்போது தேர்ந்தெடுக்கிறார் விஜய். கதை சொல்ல வரும் இயக்குநர்களும் இந்த அரசியல் சூழலை மனதில் வைத்தே கதை சொல்கிறார்களாம்.

ஆனால், ‘‘அரசியல் களத்துக்குள் கதையைத் திணிக்காதீங்ணா. கதையின் போக்கில் அரசியல் இருந்தா ஓ.கே. நிறைய அன்பும் கொஞ்சம் வம்புமா ஸ்கிரிப்ட் பண்ணுங்க. ஏன்னா, மக்கள் தியேட்டருக்கு வரணும்; ரசிக்கணும்’’ என்பது விஜய்யின் கருத்து. முருகதாஸ் இயக்கத்தில் தற்போது நடித்துக்கொண்டிருக்கும் படத்திலும் அரசியல் இருக்கிறது. பழ.கருப்பையா முதல்வர் வேடத்தில் நடிக்க, அவர் முன்னிலையிலேயே தீவிரமான அரசியல் வசனங்களை விஜய் பேசும் காட்சி சமீபத்தில் படமாக்கப்பட்டது.

 அடுத்து தன் 63வது படத்துக்காகப் பலரிடமும் கதை கேட்டிருக்கிறார். அதில் வெற்றிமாறன், பா.இரஞ்சித், அட்லி, ஹெச்.வினோத் ஆகிய நால்வரும் குறிப்பிட்டுச் சொல்லக்கூடியவர்கள்.  விஜய் படத்தை அடுத்து இயக்கப்போகிறவர் யார் என்பது ஜூலையில் தெரிந்துவிடும்.

Do you like the story?

Please Appreciate the Author by clapping!

Editor’s Pick

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்