கை குலுக்கும் டிராகன்!

ச.ஸ்ரீராம்

சீனாவுக்கு எதிரான வர்த்தக யுத்தத்தை ட்ரம்ப் அறிவித்திருக்கும் அதே சமயம் சீனாவின் அண்டை நாடுகளான தென் கொரியாவும், வட கொரியாவும் பகையை மறந்து பேச்சுவார்த்தையில் ஈடுபடுகின்றன. இந்தச் சூழலில் சீன அதிபர் ஷி ஜின்பிங்கும், இந்தியப் பிரதமர் நரேந்திர மோடியும் சந்தித்துப் பேசியிருப்பது கூடுதல் வரலாற்று முக்கியத்துவம் பெறுகிறது.

மோடி வெளிநாட்டுப் பயணம் செல்வது வழக்கம்தான். இதில் என்ன `கூடுதல்’ இருக்கிறது? என்ற கேள்வி எழலாம். இருக்கின்றன. முதன்முறையாக இரு நாடுகளுக்குமிடையே நடந்த informal summit இது. அதாவது முன்பே ஒப்புக்கொண்ட பட்டியலில் இருக்கும் விஷயங்களைத்தான் பேசவேண்டும் என்ற கட்டாயமில்லை. முக்கியம் என்று நினைக்கும் எதையும், இரு தலைவர்களும் பேசிக்கொண்ட உச்சிமாநாடு இது. மோடி அங்கு இருந்த இரண்டு நாட்களில் ஆறு முறை இருவரும் சந்தித்துக்கொண்டனர். பொதுவாக வெளிநாட்டுத் தலைவர்களைச் சந்திப்பதாக இருந்தால் சீன அதிபர் ஷி ஜின்பிங் தலைநகர் பீஜிங்கில்தான் சந்திப்பார். தலைநகருக்கு வெளியே ஒரு வெளிநாட்டுத் தலைவரை ஷி ஜின்பிங் சந்தித்தார் என்றால் அது மோடியைத்தான்.

Do you like the story?

Please Appreciate the Author by clapping!

Editor’s Pick