கேம் சேஞ்சர்ஸ் - 11 - FLIPKART

இத்தொடரின் மற்ற பாகங்கள்:
ஷாப்பிங் ஸ்பெஷல்

பெங்களூரு. வீட்டில் ஷேவ் செய்துவிட்டுக் கிளம்பினால், அலுவலகம் போய்ச் சேர்வதற்குள் தாடி முளைக்கத் தொடங்கிவிடும். அந்த அளவுக்குப் போக்குவரத்து நெரிசல் கொண்ட மாநகரம். அதுவும் கோரமங்கலாவைத் தாண்டுவது என்பது ‘கடல் மேல் ஒரு துளி வீழ்ந்ததே... அதைத் தேடித் தேடிப் பார்த்தேன்’ கதைதான். ஆமைகள் எல்லாம் ஆடியை ஓவர்டேக் செய்யும் அந்தப் பகுதியில், இரண்டு படுக்கையறை கொண்ட வீடு ஒன்றில்தான் 2007-ம் ஆண்டு ஃப்ளிப்கார்ட் தொடங்கப்பட்டது. அந்த இடத்திலிருந்து ஆரம்பித்து ராக்கெட் வேகத்தில் முன்னேறுவோம் என அதன் நிறுவனர்கள் சச்சின் பன்சாலும் பின்னி பன்சாலும்கூட நினைத்துப் பார்த்திருக்க மாட்டார்கள். இரண்டு பன்சால்கள் என்றதும் சகோதரர்கள் என்றோ உறவினர்கள் என்றோ நினைக்க வேண்டாம். இருவரும் ஐ.ஐ.டி, டெல்லியில் படித்தவர்கள். சண்டிகர் நகரைச் சேர்ந்தவர்கள். அதைவிட முக்கியமான ஒற்றுமை ஒன்று உண்டு. இருவரும் அமேசானில் வேலை செய்தவர்கள்.

Do you like the story?

Please Appreciate the Author by clapping!

Editor’s Pick