நான்காம் சுவர்! - 13

இத்தொடரின் மற்ற பாகங்கள்:
பாக்கியம் சங்கர் - ஓவியங்கள்: ஹாசிப்கான்

``இதோ எந்தன் தெய்வம் முன்னாலே... நான் ஒரே ஒரு புன்னகையில் கண்டேனே...’’ என்று, சாலையின் ஒரு முக்கில் நின்றிருந்த டெம்போ வேனுக்குள் இருந்து டி.எம்.எஸ். பாடிக்கொண்டிருந்தார். சிலர், தேநீர் சுவைத்தபடி இருந்தனர்; வந்து விழுந்த பாடலைக் கேட்டுக்கொண்டிருந்தார்கள். வேனுக்குப் பக்கத்தில், கறுப்பு நிறத்தில் தொந்தி சரிந்த ஒருவர் வியர்வை வழிந்த தேகத்தோடு பரோட்டாவுக்கு மாவு பிசைந்துகொண்டிருந்தார்; அவ்வப்போது பாடலுக்கேற்றாற்போலத் தலையசைத்துக் கொண்டார். இடுப்பில் கைக்குழந்தையோடு பேருந்துக்காகக் காத்திருக்கும் மாநிறப் பெண் ஒருத்தியின் காதில் முத்தங்களால் பிள்ளை கடித்துக்கொண்டிருந்தது. `பாசமுள்ள  பார்வையிலே கடவுள் வாழ்கிறான்... அவன் கருணையுள்ள நெஞ்சினிலே கோயில்கொள்கிறான்...’ இந்த வரிகளினூடாக வெகுநேரம் ஒரே இடத்தில் சிவனேயென்றிருந்த ஒருவன், பாடல் வரிகளை இசையோடு பாடிக்கொள்கிறான். அவசரகதியின் வாசலில் இந்தப் பாடல் ஒவ்வொருவரையும் நெருங்குகிறது. நின்று நிதானித்து, பாடலை ஏந்திக்கொள்கின்றனர் சிலர். `அவன் பூவிரியும் சோலையிலே மணப்பான்...’ என்ற வரிகளை மிதித்துவிட்டு ஒருவன் பேருந்தில் ஏறினான்.

Do you like the story?

Please Appreciate the Author by clapping!

Editor’s Pick