சினிமா... சீரியல்... சயின்டிஸ்ட்! | Interview with actress Vidya Pradeep - Ananda Vikatan | ஆனந்த விகடன்

வெளியிடப்பட்ட நேரம்: 06:00 (14/03/2019)

சினிமா... சீரியல்... சயின்டிஸ்ட்!

‘வித்தியாசமான போலீஸ் கேரக்டரில் ‘தடம்’ படத்தில் நடித்து அசத்தியிருந்தார் வித்யா பிரதீப். இதற்கு முன் ‘சைவம்’, ‘பசங்க 2’, ‘களறி’ , மாரி 2 போன்ற படங்களில் நடித்திருந்தாலும் ‘தடம்’ படமே வித்யாவுக்கு அழுத்தமான தடம் பதிக்க உதவியிருக்கிறது. வித்யா,  ‘நாயகி’ நெடுந்தொடரின் நாயகியும்கூட.

``போலீஸ் கேரக்டரில் இதுவரை பலரும் நடித்திருக்கிறார்கள். நாம் அதில் என்ன வித்தியாசம் காட்டுவது என்ற பயம் இருந்தது. இயக்குநர் மகிழ் திருமேனி என்னை அந்தக் கேரக்டருக்குத் தேர்வு செய்வதாகச் சொல்லி, பெண்களுக்கான ‘கேர்ளி’ விஷயங்களை வெளியே விட்டுவிட்டு வரவேண்டும் என்றார். அவர் கொடுத்த தைரியம், எனக்குள் இருந்த பயத்தைப் போக்கியது.”


‘’சினிமாவில் நடித்துக்கொண்டே சீரியலிலும் கவனம் செலுத்துகிறீர்களே... எப்படி?”

‘’சீரியல் ஷூட்டிங், மாதத்தில் பத்து, பதினைந்து நாள்கள் இருக்கும். மற்ற நாள்களில் சினிமாவில் நடிக்கலாம் என்பதுதான் என் விருப்பம். சீரியல், சினிமா ஷூட்டிங் இல்லாத நாள்களிலும் வேலைக்குப் போகிறேன்.”

‘’என்ன வேலை?’’

 “நான் ஒரு தனியார் கண் மருத்துவமனையில் ஜூனியர் சயின்டிஸ்ட். என் ஆய்வுகள் எல்லாம் கண்கள் பற்றியது. ஓக்குலர் கன்ஸ்ட்ரிக்டிவ் டிஸ்ஸாடர் (Ocular Constrictive Disorder) பிரச்னை உள்ளவர்கள் பற்றிய அனலைசேஷன் பற்றிப் படித்திருக்கிறேன். என்னுடைய ஸ்பெஷலை சேஷன், ஸ்டெம்செல் பயாலஜி (Stem Cell Biology). இது பார்ட் ஆப் பயோ டெக்னாலஜி (Part of Biotechnology Stem Cells). என் ஆய்வை முடிக்க இன்னும் ஒரு மாத காலம் தேவையாக இருக்கிறது. அதற்குள் விளம்பரம், படங்கள், சீரியல் என ஓடிக்கொண்டே இருக்கிறேன்.’’

நீங்க எப்படி பீல் பண்றீங்க

[X] Close

[X] Close