மெட்ராஸ்ல யாருக்கும் இல்லாத பேரு! | Interview with Chennai Gana songs writer Miran - Ananda Vikatan | ஆனந்த விகடன்

வெளியிடப்பட்ட நேரம்: 06:00 (14/03/2019)

மெட்ராஸ்ல யாருக்கும் இல்லாத பேரு!

சென்னை, பாரிமுனையில் வணிகப் பரபரப்பு தொற்றிக் கிடக்கும் ரத்தன்பஜாரில், அகன்ற பிளாட்பாரத்தில் மிரனைச் சந்தித்தேன். காதல் மனைவி சித்ரா, தன் இருப்பிடத்திலேயே உப்பில் ஊறவைத்த நெல்லிக்காய், மாங்காய்களை விற்றுக்கொண்டிருக்கிறார். மிரனுக்கு 25 வயது. பிரதான வேலை, கானா பாடல் எழுதுவது. பகுதி நேர வேலை, மீன்பாடி வண்டி ஓட்டுவது.

யூடியூபில் கானா பாடிக் கலக்கும் சுதாகர், ஜூனியர் நித்யா, பாலச்சந்தர், மைக்கேல் எனப் பலருக்கும் பாடல்கள் சப்ளை, மிரன்தான். கல்லூரி மாணவர்களைக் கொள்ளைகொண்ட `மூக்குத்தி மூக்குத்தி...’, அஜித் ரசிகர்கள் கொண்டாடும் `ஏகப்பட்ட ஆபரேஷன்...’  `மாட்டுனா மட்டனு... சிக்குனாக்கா சிக்கனு...’ என மிரனின் ஹிட் லிஸ்ட் நீள்கிறது. `வடசென்னை’ படத்தில் நடிக்கவும் செய்திருக்கிறார்.

``இது மட்டுமில்லண்ணா... டான்ஸ், சைக்கிள் ஸ்டன்ட், பைக் ஸ்டன்ட், ஜிம்னாஸ்டிக்குன்னு நிறைய வெச்சிருக்கேன். வரப்போற ஒரு படத்துக்கு ஆறு பாட்டு எழுதிக் குடுத்திருக்கேன். ஒரு படத்துல அசிஸ்டென்ட் டைரக்டராவும் வேலைசெஞ்சிருக்கேன்” - படபடவெனப் பேசும் மிரனை எப்போதும் பத்து இளைஞர்கள் சூழ்ந்து நிற்கிறார்கள்.

நீங்க எப்படி பீல் பண்றீங்க

[X] Close

[X] Close