நீதிக்கு வேண்டாம் நீண்ட இடைவெளி! | Do not delay justice: Pollachi Sex Abuse Case - Ananda Vikatan | ஆனந்த விகடன்

வெளியிடப்பட்ட நேரம்: 06:00 (21/03/2019)

நீதிக்கு வேண்டாம் நீண்ட இடைவெளி!

மீண்டும் ஒருமுறை தமிழகம் கொந்தளித்துக் கிடக்கிறது. பொள்ளாச்சியில் நடந்திருக்கிற கொடூரம் தன் மகளுக்கே நடந்ததைப்போலப் பதறிப்போயிருக்கிறது பொதுச் சமூகம்.

நடந்ததை வெறும் சைபர் குற்றமாக, தொழில்நுட்ப வளர்ச்சியின் பின்விளைவாக மட்டும் குறுக்க முடியாது. இது முழுக்க முழுக்க அதிகார ஆண்திமிர் படைத்தவர்கள் செய்திருக்கும் பாலியல் வன்கொடுமை. இன்னும் எத்தனையோ பெண்கள் பாதிக்கப்பட்டிருக்கிறார்கள், இன்னும்  நூற்றுக்கணக்கான வீடியோக்கள் இருக்கின்றன, அதிகார பலமிக்க பெரிய நெட்வொர்க் ஏழு ஆண்டுகளாக திட்டமிட்டு வலைவிரித்து அக்கிரமங்களை அரங்கேற்றியிருக்கிறார்கள் என்பவற்றையெல்லாம் கேட்டு அச்சத்தில் உறைந்துபோயிருக்கிறார்கள் மக்கள். ‘`அண்ணா விட்ருங்கண்ணா... பெல்ட்டால அடிக்காதீங்கண்ணா’’ என்னும் அந்தக்குரல் கோடிக்கணக்கானோர் உறக்கத்தைக் கலைத்திருக்கிறது. இந்தச் சம்பவத்தில் இரண்டு விஷயங்கள் கவனிக்கத்தக்கது.

ஒன்று, மக்கள் எல்லோருமே ஒருமித்த குரலில் இந்தக் குற்றவாளிகளை விசாரணை ஏதுமின்றி உடனடியாகத் தூக்கில் போடவேண்டும் என்று துடிக்கிறார்கள். அடுத்து, பாதிக்கப்பட்ட பெண்கள் குற்றவாளிகளுக்கு எதிராகப் புகார் தரத்  தயங்குகிறார்கள்.

நீங்க எப்படி பீல் பண்றீங்க