மதுரை... மைக்ரோசாஃப்ட்... தமிழ்சினிமா! | Vellai Pookal movie director Vivek Elangovan interview - Ananda Vikatan | ஆனந்த விகடன்

வெளியிடப்பட்ட நேரம்: 06:00 (02/05/2019)

மதுரை... மைக்ரோசாஃப்ட்... தமிழ்சினிமா!

த்தடிக்குப் பறந்தடிக்கும் மாஸ் ஹீரோ இல்லை, கமர்ஷியல் கன்டென்ட்டுக்கு இதெல்லாம் தேவை என்று சேர்க்கப்படும் இரட்டை அர்த்த வசனங்களோ பாடல்களோ இல்லவே இல்லை. இத்தனை இல்லைகள் இருந்தும் இருக்கையுடன் நம்மைக் கட்டிப்போடுகிறது சமீபத்தில் வெளிவந்த ‘வெள்ளைப் பூக்கள்’ திரைப்படம். அமெரிக்க நகர் ஒன்றில் நிகழும் தொடர் கடத்தல், கொலைகளில் ஈடுபடும நபர் யார் என்பதை ஓய்வுபெற்ற இந்தியக் காவல்துறை அதிகாரி எப்படிக் கண்டறிகிறார் என்பதே இதன் கதை. இந்தப் பட இயக்குநர் விவேக் இளங்கோவன், ஓர் அமெரிக்க வாழ் தமிழர். பட ரிலீஸுக்காகச் சென்னை வந்துவிட்டு மீண்டும்  அமெரிக்கா புறப்பட்டுக்கொண்டிருந்தவரைச் சந்தித்தேன்.

“அம்மாவுக்கு மதுரை, அப்பாவுக்குத் திருச்சி. 10-வது வரை திருச்சியில் படிச்சிட்டு சென்னைக்கு வந்தேன். இங்க காலேஜ் முடிச்சிட்டு மாஸ்டர் டிகிரி படிக்க சிகாகோ போயிட்டேன். எழுத்து மேல எனக்கு ஆர்வம் அதிகம். படிச்சு முடிச்சதும் சியாட்டில் மைக்ரோசாஃப்ட்ல வேலை கிடைச்சது. வேலைக்குச் சேர்ந்த பிறகு எழுதுறதையே விட்டுட்டேன். கொஞ்ச நாள் கழிச்சு ‘இண்டஸ் கிரியேஷன்ஸ்’னு ஒரு நாடகக் குழுவின் அறிமுகம் கிடைச்சது. அவங்களுக்காக மறுபடியும் எழுத ஆரம்பிச்சேன். சில நாடகங்கள், குறும்படங்களுக்கு எழுதினேன். பிறகு, ‘நாம ஏன் சினிமா பண்ணக்கூடாது’ன்னு ஸ்க்ரிப்ட் எழுத ஆரம்பிச்சேன். அப்படி எழுத ஆரம்பிச்சது, இப்போ ‘வெள்ளைப்பூக்கள்’ல கொண்டு வந்து விட்டிருக்கு.”