பொருளாதார வளர்ச்சி: புதிய அரசு என்ன செய்யவேண்டும்? | What should the new Government do in Economic growth? - Ananda Vikatan | ஆனந்த விகடன்

வெளியிடப்பட்ட நேரம்: 06:00 (02/05/2019)

பொருளாதார வளர்ச்சி: புதிய அரசு என்ன செய்யவேண்டும்?

ஜெ.ஜெயரஞ்சன், ஓவியம்: பாலகிருஷ்ணன்

டுத்து அமையப்போவது காங்கிரஸ் அரசா, பா.ஜ.க அரசா, கூட்டணி அரசா என்பதற்கான விடை, மே 23-ல் தெரிந்துவிடும். எந்த அரசாக இருந்தாலும், புதிய அரசு கவனம் செலுத்தவேண்டிய விஷயங்கள் எவை என்பது குறித்து அலசும் மினி தொடர் இது. இந்த வாரம் பொருளாதார வளர்ச்சி குறித்து அலசுகிறார், பொருளாதார நிபுணர் ஜெ.ஜெயரஞ்சன்.

யாருக்கு வளர்ச்சி?

இந்தியப் பொருளாதாரம் 7-8 விழுக்காடு என்ற அளவில் விரைவாக வளர்ந்து வருகின்றது. இந்த வளர்ச்சி வேகத்தின் அளவு குறித்துப் பல கேள்விகள் இருந்தபோதிலும், நாம் கவனம் கொள்ள வேண்டியது வளர்ச்சி யாருக்கானது என்பதேயாகும். நாடு வளர்கிறது எனும்போது அதிலுள்ள மக்களின் பொருளாதார நிலையும் வளர்கிறது என்பது மறைபொருள். அதாவது வளர்ச்சியின் பலன்கள் நாட்டுமக்கள் அனைவருக்கும் சேர்கிறது என்பதேயாகும். நடைமுறையில் வளர்ச்சியினால் அனைவரும் பயன்பெறுகின்றனரா என்று கேட்டால் ஆம் என்பதே விடை. ஆனால், இந்தப் பலன்கள் எல்லோருக்கும் சமமாகவும் தொடர்ச்சியாகவும் இருப்பதில்லை.

மேல்தட்டிலுள்ள ஒரு விழுக்காடு மக்களின் வருவாய் குறிப்பிட்ட கால அளவில் பெருகும் வீதம் மிக அதிகமாகவும், பெரும்பான்மை தொகையினரின் வருவாய் அதிகரிக்கும் வேகம் மிகக்குறைவாகவும்  இருக்கிறது. இதிலும் பல துறையிலுள்ள மக்களின் வருவாய் தேக்கநிலையை அடைந்துள்ளது. இதனால் பொருளாதார வளர்ச்சி நிகழும்போது ஒரு சிறு பகுதியினர் பெரும்பலனைத் தன் வசமாக்கிக்கொள்கின்றனர். நம்நாட்டில் இந்நிலை தொடர்வதைப் புரிந்துகொண்டு அதைச் சீர்செய்ய வேண்டியது மக்களால் தேர்ந்தெடுக்கப்படும் ஆட்சியாளர்களுக்கான தார்மிகக் கடமையாகும்.

நீங்க எப்படி பீல் பண்றீங்க