3 க்ளிக்கில் விகடன் இதழ்களையும் வாசிக்கலாம்..!

வரலாற்றுத் தொடர்கள்

கல்கி, தேவன், மணியன் தொடங்கி... பாலகுமாரன், சுஜாதா, வாலி, வைரமுத்து வழியாகப் பயணித்து... சு.வெங்கடேசனின் ‘வீரயுக நாயகன் வேள்பாரி’ வரை விகடனில் தொடராக வந்த ஏராளமான சமூக/ வரலாற்றுப் புதினங்கள், இயற்கை உணவு முதல் கீழடி வரலாறு வரையிலான பல வரலாற்றுத் தொடர்கள் என நீங்கள் படித்து மகிழ கொட்டிக்கிடக்கும் இலக்கிய பக்கங்கள் ஏராளம்…

• 

  வீரயுக நாயகன் வேள்பாரி

  லட்சக்கணக்கான வாசகர்கள் இணையற்ற வீரம் கொண்ட பாரியுடனும் பறம்பு நாட்டு மக்களுடனும் சேர்ந்து வாழ்வது போன்ற தாக்கத்தை ஏற்படுத்திய சரித்திர நாவல்!

• 

  நீரதிகாரம்

  தென் தமிழகத்தின் வறட்சி முகத்தை மாற்றி, இன்றும் செழிப்படையச் செய்துகொண்டிருக்கும் முல்லைப் பெரியாறு அணை உருவான நெகிழ்ச்சி சரித்திரம்

• 

  ஏழு கடல்... ஏழு மலை

  இரண்டு வெவ்வேறு காலகட்டத்தில், இந்தியாவின் கடைசி வீட்டில் இருந்து தந்தை மற்றும் மகன் வழியாகக் கண்முன்னே காட்சிகளாக விரியும் இரண்டு பயணங்கள்

• 

  ரெண்டாம் ஆட்டம்

  கோபத்தில் எழும் மனிதர்களை பகடைகளாக்கி விளையாடும் வன்முறை, அவர்களை எப்படிக் கலைத்துப்போட்டு விடுகிறது என்பதைச் சொல்வதே இந்த ரெண்டாம் ஆட்டம்!

• 

  வட்டியும் முதலும்

  கொண்டாட்டம், துயரம், துரோகம், தன்னம்பிக்கை.. என வாழ்வின் அத்தனை விதமான உணர்வுகளையும் எழுத்தாளர் மற்றும் திரை இயக்குநரான ராஜூ முருகன் நெஞ்சுக்கு நெருக்கமாக நின்று சொன்ன படைப்பு இது.

• 

  அணிலாடும் முன்றில்!

  மகளைப் பெற்ற அப்பாக்களின் மனதில் ஆனந்த யாழை மீட்டிய நா. முத்துக்குமார், கூட்டுக் குடும்பத்தில் இருக்கும் ஆனந்தத்தையும், உறவுகளின் உன்னதத்தையும் அனுபவக் கட்டுரைகளாகச் செதுக்கிய படைப்பு இந்த அணிலாடும் முன்றில்!

• 

  மைல்ஸ் டு கோ...

  இன்றைய இயக்குநர்களின் கதைத்தேடல்களை நாவல்களை நோக்கி திருப்பிய பெருமைக்குச் சொந்தக்காரரான தேசிய விருது பெற்ற திரைப்பட இயக்குனர் வெற்றிமாறன் ஆனந்த விகடனில் எழுதிய சுவாரஸ்யமான திரையுலக அனுபவத்தொடர்.

• 

  திரைத்தொண்டர்

  கதாசிரியர், வசனகர்த்தா, பாடலாசிரியர், தயாரிப்பாளர், இயக்குநர் என பல தளங்களில் இயங்கி வெற்றி கண்ட பஞ்சு அருணாசலத்தின் சுவாரஸ்யமான திரைப் பயண அனுபவங்களைக் கொண்டது இந்த திரைத்தொண்டர்.

முத்திரைச் சிறுகதைகள்

வாழ்வியலின் சுவாரஸ்யங்களையும், மானுடத்தின் அழகியலையும் அழகாகப் படம் பிடிக்கும் புகழ் பெற்ற எழுத்தாளர்களின் முத்திரைப் படைப்புகள், சம கால இலக்கியவாதிகளின் சிறுகதைகளைப் படித்து மகிழலாம்.

• 

  சுஜாதா

  மைய நீரோட்ட வாசகர்களிடமும் தீவிர இலக்கியத்தை அறிமுகம் செய்தவர் சுஜாதா. அறிவியல் புனைகதையோ கிரைம் சிறுகதையோ... தனது கதைகளில் கடைசிவரை சுவாரசியத்தைக் கடத்துவதில் சுஜாதா என்றுமே கில்லி!

• 

  எஸ். ராமகிருஷ்ணன்

  நவீன தமிழ் இலக்கியத்தின் மிக முக்கிய எழுத்தாளர் எஸ். ராமகிருஷ்ணன். மானுட வாழ்வியலின் பக்கங்களைத் தனது எழுத்தின் மூலம் அப்பழுக்கில்லாமல் பதிவுசெய்வது இவரது சிறுகதைகளின் சிறப்பு!

• 

  வண்ணதாசன்

  புத்தம்புதியதாய் மலர்ந்த மலரின் மேல் அமரும் ஒரு வண்ணத்துப் பூச்சியின் லாவகம் போன்றது வண்ணதாசன் எழுத்து. எளிய மனிதர்களின் எதார்த்தப் பக்கங்களை எழுத்தில் வரைவன வண்ணதாசனின் சிறுகதைகள்!

• 

  நாஞ்சில் நாடன்

  தன் எழுத்துனூடாக கூர்மையான தகவல்களையும், நாஞ்சில் நாட்டு மாந்தர்களின் வாழ்வியலையும் பதிவு செய்த மகத்தான கலைஞன் நாஞ்சில் நாடன். வட்டார வழக்கையும் எளிய நடையில் பரவலாக்கம் செய்வன நாஞ்சில் நாடனின் சிறுகதைகள்

• 

  பிரபஞ்சன் சிறுகதைகள்

  பிரபஞ்சனின் எழுத்துகள் மனிதர்களின் மிக யதார்த்தமான நுண்மையான உணர்வுகளைப் பிரதிபலிக்கக்கூடியது. அந்த வகையில், மொழிநுட்பத்திலும், கச்சிதமான வடிவத்திலும் தேர்ந்த சிற்பம் போல கலைநேர்த்தி பெற்றுள்ளன இந்த பிரபஞ்சன் சிறுகதைகள்.

• 

  பெருமாள் முருகன் சிறுகதைகள்

  புனைவிலக்கியத்தில் வட்டார மொழி படைப்புகள் கவனம் ஈர்ப்பவை. உழைக்கும் மக்களின் வாழ்க்கைகளையும் அவர்களின் வலிகளையும் வட்டார மொழியில் பதிவு செய்துள்ள பெருமாள் முருகன் சிறுகதைகள் வாசிப்போரை நெகிழச்செய்கின்றன.

• 

  வண்ணநிலவன் சிறுகதைகள்

  இலக்கியம் என்பது வாழ்க்கையைப் பிரதிபலிக்கும் கண்ணாடி என்பது வண்ணநிலவனின் படைப்புகளுக்கு அப்படியே பொருந்தும். நம் வாழ்க்கையில் அன்றாடம் சந்திக்கும் மனிதர்களின் மறுபக்கத்தை மிக நுட்பமாகச் சித்தரிக்கின்றன வண்ணநிலவன் சிறுகதைகள்.

• 

  அ.முத்துலிங்கம் சிறுகதைகள்

  வட்டாரம், பிரதேசம் ,மொழி, நாடு... என எல்லை கடந்த உலக மனிதராக வலம் வந்தவர் என்பதால், அ. முத்துலிங்கம் கதைகளை படிக்கும் போது கிடைக்கும் வாசிப்பு அனுபவம் அலாதியானது.