அம்பாள் அற்புதங்கள்! - ஆடிப்பூரம் சிறப்புத் தொகுப்பு

பூரம் நட்சத்திரத்தை ‘பூர்வ பல்குனி’ என்கிறது வேதம். சிம்ம ராசியில் நடுநாயகமாக விளங்கும் நட்சத்திரம் இது!

ராசிக்கு அதிபதி சூரியன். நட்சத்திரத்தின் தேவதை யும் ‘அர்யமா’ என்ற புனைப் பெயரில் சூரியனாக அமைந் திருப்பது, அதன் தனிச்சிறப்பு (பல்குனி நக்ஷத்திரம் அர்யமா தேவதா).
 
சூரியன், புதன், சுக்கிரன், செவ்வாய் - இந்த நால்வர் அம்சகத்தில் நான்கு பாதங் களில் இணைந்து பூரத்துக்குப் பெருமை சேர்க்கிறார்கள்.

பூரம் என்ற சொல்லுக்கு ‘பெருக்கு’ எனும் பொருள் உண்டு. தண்ணீர் பெருக் கெடுத்து ஓடுவது போல், நல்ல காரியங்களில் செழிப்பை அடையச் செய்யும் தகுதி பூரத்துக்கு உண்டு என்கிறது ஜோதிடம்.
எல்லோரையும் ஈர்க்கும் சொல்வளம், கொடை வழங்கு வதில் ஆர்வம், அழகு வடிவம், ஓரிடத்தில் ஒதுங்காமல் நடந்து கொண்டிருக்கும் இயல்பு, அரச சேவகனாகச் செயல்படுவதில் மகிழ்ச்சி ஆகியவை பூரம் நட்சத்திரத்தில் பிறந்தவரிடம் தென்படும் என்கிறார் வராஹ மிஹிரர். இந்த நட்சத்திரத்தில் பிறந்த அன்பர்களைப் பெரு மையும் புகழும் தேடி வரும்.

இரண்டு தாரைகளை உள்ளடக்கியது பூரம்; உக்கிர மான நட்சத்திரம். சண்டை, சச்சரவு, உள்நோக்கத்துடன் செயல்படுதல், ஆசையில் கட்டுண்டு கிடப்பது, கொடை யில் விருப்பம், எடுத்த முடிவில் மாறாமல் செயல்படுதல் ஆகிய அனைத்தும் பூர நட்சத்திரக்காரர்களுக்கு உண்டு என்கிறது ஜாதக பாரிஜாதம்.

போரில் வெற்றி, எதிரி களை முறியடித்தல், தளவாடங் களைக் கையாளுதல், பிறரை வசீகரித்தல், எதிரிகளுக்கு உதவுபவரை அழித்தல் ஆகியவற்றில் இந்த நட்சத்திரம் பேருதவி செய்யும் என்கிறார் பராசரர்.

Do you like the story?

Please Appreciate the Author by clapping!

மாதத்திற்கு 7 எக்ஸ்க்ளுசிவ் கட்டுரைகள் படிக்க லாகின் செய்யுங்கள்அனைத்து எக்ஸ்க்ளுசிவ் கட்டுரைகளையும் படிக்க சந்தா செய்யுங்கள்