வாங்கிய புது கார் பிடிக்கலையா?

இத்தொடரின் மற்ற பாகங்கள்:
கார் வாங்குவது எப்படி? - 8தமிழ் - படங்கள்: விநாயக்ராம்

ந்த விஷயத்தைச் செய்யும்போதும், ‘இது சரியா தப்பா’ என்று பல தடவை யோசிக்க வேண்டும்; செய்து முடித்தபின் ஒரு தடவைகூட யோசிக்கக் கூடாது. கார் வாங்கும் விஷயத்துக்கு இது மிகவும் பொருந்தும். கார் வாங்கும் முன், இது நமக்கு செட் ஆகுமா? நம் குடும்பத்துக்கு ஏற்ற காரா என்று பல முறை யோசிக்கலாம். ஆனால், வாங்கிய பிறகு அந்த கார்தான் நமக்கு எல்லாமே என்பதைப் புரிந்துகொள்ள வேண்டும்.

சில கார்கள் வாங்கும் வரை மயக்கும். வாங்கிய பிறகு ‘ஏண்டா வாங்கினோம்’ என்று சலிக்க வைத்துவிடும்.  காரின் டிசைன் நன்றாக இருக்கும்; மைலேஜும் பட்டையைக் கிளப்பும்; பராமரிப்புச் செலவும் குறைவாகத்தான் இருக்கும். ஆனால், காரில் இருக்கும் ஒரு சின்ன வசதிக் குறைபாடு, மன உளைச்சலை ஏற்படுத்தும்.

நண்பர் ஒருவர் அடுக்குமாடிக் குடியிருப்பில் வசித்து வந்தார். டிசையர் கார் புக் செய்தார். மாருதி கார்களில் மைனஸ் ஏது? டிசையர் பற்றிச் சின்னக் குழந்தை கேட்டால்கூட, ‘ஃபியட் இன்ஜின், நல்ல மைலேஜ், ‘ஃபன் டு டிரைவ்’... என்று சொல்லும். ஆனால், கிரவுண்ட் கிளியரன்ஸ் 163 மிமீதான். நண்பரின் வீட்டில் காரை பார்க் செய்ய, லேசான மேட்டில் ஏறி/இறங்க வேண்டும். இதுதான் அவருக்குப் பெரிய பிரச்னை. ஒவ்வொரு தடவை காரை ஏற்றி, இறக்கும்போதும் ‘மடால் மடால்’ என முன் பக்க பம்பர் அடி வாங்கும்போது, அவர் மனசு வலிப்பதாகப் புலம்புவார்.

Do you like the story?

Please Appreciate the Author by clapping!