மாநில சுயாட்சி - சில குறிப்புகள்... | Some Specifications of State autonomy - Junior Vikatan | ஜூனியர் விகடன்

வெளியிடப்பட்ட நேரம்: 06:00 (23/02/2019)

மாநில சுயாட்சி - சில குறிப்புகள்...

வழக்கறிஞர் கே.எஸ்.இராதாகிருஷ்ணன், செய்தித் தொடர்பாளர், தி.மு.க.

‘மாநில சுயாட்சி வேண்டும்’ என்ற உரத்த குரல் தமிழகத்தில் இருந்தே முதலில் ஒலித்தது. நாடு சுதந்திரம் அடைந்தபோதே இதற்கான குரல் எழுந்தது. அண்ணா தன்னுடைய காஞ்சி பொங்கல் மலரிலேயே, ‘மாநில சுயாட்சி’ என்ற தனது ஒரு நீண்ட கட்டுரையை வெளியிட்டார். தினமணி ஆசிரியராக இருந்த ஏ.என்.சிவராமன் 1940-ஆம் ஆண்டு இறுதியில் எழுதிய, ‘மாகாண சுயாட்சி’ என்ற நூலை தினமணி நாளிதழே வெளியிட்டது. ம.பொ.சி-யும், ‘ஏன் மாநில சுயாட்சி?’ என்ற தலைப்பில் நூல் எழுதினார். 1969-இல் ஆட்சிப் பொறுப்புக்கு வந்த கலைஞர், மாநில சுயாட்சி குறித்து ஆய்வுசெய்து அறிக்கை தர ஒரு குழுவை அமைத்தார். அன்றைக்கு சென்னை உயர் நீதிமன்றத் தலைமை நீதிபதியாக இருந்த பி.வி.ராஜமன்னார், ஆந்திராவின் சந்திரா ரெட்டி, சென்னைப் பல்கலைக்கழகத் துணைவேந்தர் ஏ.எல்.முதலியார் ஆகியோர் இந்தக் குழுவில் இருந்தனர். அன்றைக்கு முதல்வராக இருந்த கலைஞர், இந்தக் குழு பற்றிய அறிவிப்பை டெல்லியில் பத்திரிகையாளர் மத்தியிலேயே தெரிவித்தார். அப்போது இந்திரா காந்தி பிரதமராக இருந்தார். இதுகுறித்து அப்போது டெல்லி பத்திரிகைகள் எல்லாம் பெரிய செய்திகளாகவும் தலையங்க விவாதங்களாகவும் வெளியிட்டன.

கலைஞர் தலைமைச் செயலகத்தைப் பழுது பார்க்க முனைந்தபோது அதற்குரிய அனுமதியை மத்திய அரசின் பாதுகாப்பு அமைச்சகத்திடம் இருந்து பெற வேண்டுமென்றும் தமிழகத்தின் முதலமைச்சராகவே இருந்தாலும் தன்னுடைய விருப்பத்துக்கேற்றவாறு தலைமைச் செயலகத்தில் எந்தச் சீர்திருத்தப் பணிகளையும் செய்யமுடியாது என்றும் தெரிவித்தனர். முதலமைச்சராக இருந்தும் மத்திய அரசின் அதிகாரக் குவியல் என்ற நிலையில்தான் இந்தச் சிக்கல் என்று உணரத் தொடங்கினார் கலைஞர். அந்தத் தாக்கமே மாநில சுயாட்சி என்ற கோரிக்கையாகும். இதனால்தான் ராஜமன்னார் குழு அமைக்கப்பட்டது. மத்திய – மாநில உறவுகளும் அதனிடையிலான அதிகாரப் பகிர்வு குறித்தும் ஆராயப்பட்டது. சுமார் ஒன்றரை ஆண்டுக்காலம் இதுகுறித்தான கருத்துகளை அகில இந்திய அளவில் பல தரப்பினரிடமும் கேட்டு ஓர் அற்புதமான அறிக்கையை 27/05/1971-இல் கலைஞரிடம் அந்தக் குழுவினர் வழங்கினர். 383 பக்கங்கள் கொண்ட அந்த அறிக்கை இன்றைக்கும் அனைவராலும் ஏற்றுக்கொள்ளப்படுகின்ற அரிய ஆவணமாகும். மத்திய – மாநில பிரச்னைகள் எழும்போதெல்லாம் இந்தப் பிரச்னைகளுக்குத் தீர்வுசொல்லும் ஒரு மகா சாசனமாக (Magna Carta) உள்ளது.

நீங்க எப்படி பீல் பண்றீங்க

[X] Close

[X] Close