சட்ட ஆசான்களின் தகுதிகள் என்ன? | Former Justice K.Chandru talk about Law - Junior Vikatan | ஜூனியர் விகடன்

வெளியிடப்பட்ட நேரம்: 06:00 (23/02/2019)

சட்ட ஆசான்களின் தகுதிகள் என்ன?

- கே.சந்துரு, முன்னாள் நீதிபதி, சென்னை உயர் நீதிமன்றம்

முன்குறிப்பு: தமிழ்நாடு சட்டப் பல்கலைக்கழகப் பதிவாளராகப் பணியாற்றிய டி.சங்கர் தன்னை பணிநீக்கம் செய்ததை எதிர்த்து மேல்முறையீடு செய்திருந்த வழக்கு தொடர்பான விசாரணை சென்னை உயர் நீதிமன்றத்தில் பிப்ரவரி 18-ம் தேதி நடந்தது. இதில் நீதிபதிகள், “சட்டப் பல்கலைக்கழகத்தில் பேராசிரியர்கள் நியமனம் எப்படி நடைபெறுகிறது என்று எங்களுக்கும் தெரியும். தனியார் ஓட்டலில் எம்.எல்.ஏ-க்களுடன் சேர்ந்து, துணைவேந்தர் கட்சிக்காரரைப் போல செயல்படுகிறார். இதுகுறித்து எங்களை ஏதும் பேச வைக்காதீர்கள்” என்று கடுமையாக விமர்சனத்தைப் பதிவுசெய்திருந்தனர். அதையொட்டி முன்னாள் நீதிபதியான கே.சந்துரு எழுதியிருக்கும் கட்டுரை இது.

“கனவான்களே, சீமாட்டிகளே! இன்று வழக்கறிஞர்களாகப் பதிவு செய்துகொண்ட நீங்கள், இனிமேலாவது சட்டப் புத்தகங்களைப் புரட்டிப்பாருங்கள்” - வக்கீலாகப் பதிவுசெய்துகொண்ட தினத்தன்று, பார் கவுன்சில் தலைவர் எங்களுக்குக் கொடுத்த அறிவுரை இது. அதிர்ச்சியாக இருந்தாலும் அதுதான் உண்மை. ஆயிரக்கணக்கான சட்டக் கல்லூரிகளில் ஆண்டுதோறும் உற்பத்தி செய்யப்படும் சட்டப் பட்டதாரிகள், சட்ட உலகுக்குள் இப்படிதான் நுழைக்கப்படுகிறார்கள். இப்போது மீண்டும் ஒருமுறை சட்டக்கல்வியைப் பற்றியும், அதில் கற்பிக்கும் சட்ட ஆசிரியர்களின் தகுதியின்மையைப் பற்றியும் உயர் நீதிமன்றத்தின் கதவுகள் தட்டப்பட்டுள்ளன. நீதிபதி எஸ்.எம்.சுப்பிரமணியம், சட்டப் பல்கலைக்கழகப் பதிவாளர் வழக்கில் கொண்டுவரப்பட்ட தகவல்கள் அடிப்படையில் சட்டப் பல்கலைக்கழக பேராசிரியர்களின் தகுதிகளை அறிய முற்பட்டார். அதற்கு பிப்ரவரி 20-ம் தேதி அன்று காலை இரு நீதிபதிகள் அடங்கிய அமர்வு தடைவிதித்துவிட்டது. மீண்டும் ஒருமுறை சட்டக்கல்லூரி ஆசிரியர்களின் தகுதி பற்றிய சோதனை தடுக்கப்பட்டுள்ளது துர்பாக்கியமே.

நீங்க எப்படி பீல் பண்றீங்க

[X] Close

[X] Close