Published:Updated:

சாதனை-10 : மீட்கப்பட்ட நாட்டுமாடுகள்!

கார்த்திகேய சேனாபதி
பிரீமியம் ஸ்டோரி
கார்த்திகேய சேனாபதி

நாட்டு மாடுகள் - கார்த்திகேய சேனாபதி நிர்வாக அறங்காவலர் சேனாபதி காங்கேயம் கால்நடை ஆராய்ச்சி மையம்

சாதனை-10 : மீட்கப்பட்ட நாட்டுமாடுகள்!

நாட்டு மாடுகள் - கார்த்திகேய சேனாபதி நிர்வாக அறங்காவலர் சேனாபதி காங்கேயம் கால்நடை ஆராய்ச்சி மையம்

Published:Updated:
கார்த்திகேய சேனாபதி
பிரீமியம் ஸ்டோரி
கார்த்திகேய சேனாபதி
வெண்மைப் புரட்சி என்ற பெயரில் பால் உற்பத்திக்காகக் கலப்பின மாடுகளின் வரத்து அதிகமானது. அதனால் நாட்டு மாடுகள் அடிமாடுகளுக்குச் செல்லும் நிலை உருவானது. இந்நிலையில் எங்களைப் போன்ற சிலர், நாட்டு மாடுகளைத் தொடர்ந்து வளர்த்து வந்தோம். அதேபோல டிராக்டர் போன்ற பல்வேறு வேளாண் இயந்திரங்களின் வரவும் நாட்டு மாடு வளர்க்கும் எண்ணத்தை மாற்றின. உழவு செய்தல், வண்டிகளை இழுத்தல் எனப் பல்வேறு பணிகளுக்கு நாட்டு மாடுகளைப் பயன்படுத்தியவர்கள், இயந்திரங்கள் பக்கம் சாயத் தொடங்கினார்கள். அந்த நிலையில்தான் 2007-ம் ஆண்டு பசுமை விகடன் வெளியானது.
சாதனை-10 : மீட்கப்பட்ட நாட்டுமாடுகள்!
சாதனை-10 : மீட்கப்பட்ட நாட்டுமாடுகள்!

பாரம்பர்ய விஷயங்களைப் பேசிய அந்த இதழ், நாட்டு மாடுகளின் தேவை குறித்தும், அதன் பயன்கள் குறித்தும் தொடர்ந்து கட்டுரைகள் வெளியிட்டது. கண்ணாபுரம், அந்தியூர், அத்திக்கோம்பை மாதிரியான பாரம்பர்ய கால்நடை கண்காட்சிகள் தொடர்பான கட்டுரைகள்மூலம், நாட்டு மாடுகள் பற்றிய விழிப்புணர்வு அதிகரித்தது.

சாதனை-10 : மீட்கப்பட்ட நாட்டுமாடுகள்!

பஞ்சகவ்யா, ஜீவாமிர்தம் தயாரிப்புக்கு நாட்டு மாடுகள்தாம் சிறந்தது என்பதால் இயற்கை விவசாயிகளின் கவனமும் நாட்டு மாடுகள் பக்கம் திரும்பியது. இன்றைக்கு நாட்டு மாடுகள் வைத்திருப்பது சமூக அந்தஸ்து என்ற மனநிலை சமூகத்தில் உருவாகி இருக்கிறது. உலகையே திரும்பிப் பார்க்க வைத்த ஜல்லிக்கட்டுப் போராட்டத்திற்கும் காரணமாக இருந்தது நாட்டு மாடுகள்மீதான இளைஞர்களின் அக்கறை. அதற்கான விழிப்புணர்வு ஏற்படுத்தியதில் பசுமை விகடனுக்கும் முக்கியப் பங்குண்டு.

சாதனை-10 : மீட்கப்பட்ட நாட்டுமாடுகள்!
சாதனை-10 : மீட்கப்பட்ட நாட்டுமாடுகள்!

காங்கேயம் மாடுகள், உம்பளச்சேரி, மணப்பாறை, பர்கூர் போன்ற நமது மாநில ரகங்களையும் தாண்டி, ஓங்கோல், தார்பார்க்கர், சாஹிவால் போன்ற வடமாநில ரகங்கள் பக்கமும் தமிழக விவசாயிகளின் கவனம் திரும்பப் பசுமை விகடன் முக்கியக் காரணமாக இருந்தது. ஒரு கட்டத்தில் வியாபாரிகள் கொடுத்த பணத்தை வாங்கிக்கொண்டு அடிமாடாக மாடுகளை விற்பனை செய்த நிலை மாறியது. நாட்டு மாடுகளின் விலை உச்சத்தைத் தொட்டது. பாரம்பர்ய இனத்திற்கான மாண்பு காக்கப்பட்டது.

சாதனை-10 : மீட்கப்பட்ட நாட்டுமாடுகள்!
சாதனை-10 : மீட்கப்பட்ட நாட்டுமாடுகள்!

எங்கள் சேனாபதி காங்கேயம் கால்நடை ஆராய்ச்சி மையம் மூலமாக நாட்டு மாடுகள் வளர்ப்பு தொடர்பாகப் பல்வேறு விழிப்புணர்வு நிகழ்ச்சிகள், கண்காட்சிகளை முன்னெடுத்து வருகிறோம். பெரும்பாலான நிகழ்வுகளில் பசுமை விகடன் ஊடக ஆதரவு வழங்கியிருக்கிறது. எங்களைப் போன்ற நாட்டு மாடுகளை மீட்டெடுக்கும் அமைப்புகளுக்குப் பல வகையில் உதவியாக இருந்து வருகிறது பசுமை விகடன்.

நாட்டு மாடுகள்மீதான ஆர்வத்தை அதிகரித்ததைப் போலவே, நாட்டுக்கோழிகள், ஆடுகள்... மீதான விழிப்புணர்வும் அதிகரித்துள்ளன. பாரம்பர்யத்தை மீட்டெடுப்பது தொடர்பான விழிப்புணர்வுகளைத் தொடர்ந்து ஏற்படுத்தி வரும் பசுமை விகடன் பணி தொடர வாழ்த்துகிறேன்.