Published:Updated:

ஜெ.ஜெயலலிதா என்னும் நான்... - அம்மாவின் கதை - 21

ஜெ.ஜெயலலிதா என்னும் நான்... - அம்மாவின் கதை - 21
பிரீமியம் ஸ்டோரி
ஜெ.ஜெயலலிதா என்னும் நான்... - அம்மாவின் கதை - 21

எம்.ஜி.ஆருடன் முதல் சினிமாஎஸ்.கிருபாகரன், படங்கள் உதவி: ஞானம்

ஜெ.ஜெயலலிதா என்னும் நான்... - அம்மாவின் கதை - 21

எம்.ஜி.ஆருடன் முதல் சினிமாஎஸ்.கிருபாகரன், படங்கள் உதவி: ஞானம்

Published:Updated:
ஜெ.ஜெயலலிதா என்னும் நான்... - அம்மாவின் கதை - 21
பிரீமியம் ஸ்டோரி
ஜெ.ஜெயலலிதா என்னும் நான்... - அம்மாவின் கதை - 21

ன் அரசியல் குருவான எம்.ஜி.ஆர் உடன் ஜெயலலிதா இணைந்து நடித்த முதல் படம் ‘ஆயிரத்தில்

ஜெ.ஜெயலலிதா என்னும் நான்... - அம்மாவின் கதை - 21

ஒருவன்’. இந்த பட வாய்ப்பும் ‘வெண்ணிற ஆடை’ படத்தயாரிப்பில் இருந்தபோது வந்ததுதான்.

ஒட்டுமொத்த விகடனுக்கும் ஒரே ஷார்ட்கட்!

தமிழிலும் கன்னடத்திலும் சிறந்த படங்களை இயக்கி புகழ்பெற்றிருந்த பந்துலு, அப்போது ஒரு தமிழ்ப்படத்தின் தோல்வியினால் பொருளாதார நெருக்கடிக்கு ஆளாகியிருந்தார். `எம்.ஜி.ஆரை வைத்துப் படம் எடுத்தால், மீண்டும் கரையேற முடியும்' என நண்பர்கள் அவருக்கு அறிவுரை சொன்னார்கள். பந்துலுவுக்கு மனதில் ஆசையிருந்தாலும், தொடர்ந்து சிவாஜி படங்களை இயக்கியவர் எனப் பெயரெடுத்திருந்ததால்,      எம்.ஜி.ஆரிடம் செல்ல ஒரு தயக்கம் இருந்தது.

விஷயத்தைக் கேள்விப்பட்ட எம்.ஜி.ஆர், பந்துலுவின் திறமை மீதிருந்த மரியாதை காரணமாக  தாமாகவே முன்வந்து அவர் படத்தில் நடிப்பதாக நண்பர்கள் மூலம் தகவல் அனுப்பினார். எம்.ஜி.ஆருக்கு அட்வான்ஸ் தர நண்பர்கள் சிலரிடம் சில ஆயிரங்களைக் கடனாகப் பெற்றுச் சென்றார் பந்துலு. ``எவ்வளவு வேண்டும்?’’ என்றார் பந்துலு. ``ஒரு ரூபாய் கொடுங்க’’ என்றார் எம்.ஜி.ஆர். பதறிப்போனார் பந்துலு. பதற்றத்துக்குக் காரணம், சினிமா உலகில் ஒரு ரூபாய் என்றால், ஒரு லட்சம். ஆனால், பந்துலுவைக் கட்டிப்பிடித்தபடி எம்.ஜி.ஆர் சொன்னார், “பயந்துட்டீங்களா, நான் கேட்டது நிஜமாகவே ஒரு ரூபாய்தான். அதுவும்கூட ஒருவேளை பின்னாளில் நான் மனம் மாறிவிடக்கூடாது என்பதற்காகத்தான்” என்றார். நெகிழ்ந்து நின்றார் பந்துலு.

ஜெ.ஜெயலலிதா என்னும் நான்... - அம்மாவின் கதை - 21

கதைக்கான நடிகர்கள் தேர்வின்போது கதாநாயகி பாத்திரத்துக்கு ஜெயலலிதாவைப் பரிந்துரைத்தார் பந்துலு. ஆனால், சினிமா அனுபவம் அதிகமில்லாத ஜெயலலிதா, அதற்குத் தகுதியானவரா என்ற சந்தேகம்                எம்.ஜி.ஆருக்கு எழுந்தது. பந்துலுவின் திருப்திக்காக, ‘எனக்கு விருப்பமில்லை என்றால் வற்புறுத்தக் கூடாது’ என்ற நிபந்தனையுடன்  ஜெயலலிதா நடித்த கன்னடப் படத்தைப் பார்க்க ஒப்புக்கொண்டார்.

எம்.ஜி.ஆருடன் ஜானகி, பந்துலு, ஜெயலலிதா, சந்தியா ஆகியோர் படம் பார்த்தனர். படத்தின் ஒவ்வொரு காட்சியையும் எம்.ஜி.ஆர் உற்றுக் கவனித்தபடி இருந்தார். `ரசிக்கிறாரா... இல்லையா...' என்கிற பதற்றமான முகத்துடன்,  இருளையும்மீறி எம்.ஜி.ஆரை உற்றுப் பார்த்துக்கொண்டிருந்தார் ஜெயலலிதா.

படம் முடிந்த பிறகும் எம்.ஜி.ஆர் முகத்தில் எந்தச் சலனமுமில்லை. தன் இருக்கையிலிருந்து எழுந்து, பந்துலுவின் பக்கம் திரும்பி, “ம்ம்ம்... பேசலாம்...” என்றபோதுதான் ஜெயலலிதாவின் முகத்தில் மகிழ்ச்சி. ஜெயலலிதாவுடன் அவர் ஒரு வார்த்தையும் பேசிக்கொள்ளவில்லை.

அதற்கு முன்னரே ஒரு நேரம் எம்.ஜி.ஆர், ‘பணம் படைத்தவன்’ படப்பிடிப்பிலிருந்தபோது அருகிலிருந்த செட்டில், ‘வெண்ணிற ஆடை’ படப்பிடிப்பு நடந்து கொண்டிருப்பதாகத் தகவல் வந்தது. அங்கே, ‘என்ன என்ன வார்த்தைகளோ’ என்ற பாடல் காட்சி எடுக்கப்பட்டுக்கொண்டிருந்தது. தன்னுடன் நடிக்கப்போகும் நடிகையின் நடிப்புத் திறமையை நேரில் காணச் சென்ற எம்.ஜி.ஆர், “நான் ராமச்சந்திரன்” என ஜெயலலிதாவிடம் அறிமுகம் செய்துகொண்டார். அவ்வளவு பெரிய நடிகர் தன்னிடம் சாதாரணமாக அறிமுகம் செய்த நிகழ்வு எம்.ஜி.ஆர் மீது ஜெயலலிதாவுக்குப் பெரும் மதிப்பை ஏற்படுத்தியது. ‘சினிமாவைத் தாண்டி, தன்னை அரசியலிலும் வழிநடத்தப்போகிறவர் எம்.ஜி.ஆர்’ என்கிற உண்மை அப்போது அவருக்குத் தெரிந்திருக்காது. `ஆயிரத்தில் ஒருவன்' படத்தின் முதல்நாள் படப்பிடிப்பு முடிந்தபோது எம்.ஜி.ஆர், ஜெயலலிதாவை அழைத்தார். ``உன்னைப் பார்க்கும்போது எனக்கு பானுமதி அவர்களின் நினைவுதான் வருகிறது. அவரைப்போன்று உன்னிடம் துடிப்பான நடிப்புத் திறமை இருக்கிறது. நன்றாக வருவாய்’’ என ஆசீர்வதித்தார்.

ஜெ.ஜெயலலிதா என்னும் நான்... - அம்மாவின் கதை - 21

எம்.ஜி.ஆர் என்ற பெரிய நட்சத்திரத்துடன்  கதாநாயகியாக நடிக்கிற வாய்ப்பு எளிதில் கிடைத்துவிட்டாலும், அதற்கான விலையை ஜெயலலிதா கொடுக்க வேண்டியிருந்தது. `ஆயிரத்தில் ஒருவன்' படப்பிடிப்பு வேளையில், ஒருநாள் ஜெயலலிதா உள்பட அனைத்து நடிகர் நடிகைகளும் செட்டில் இருந்தார்கள். எம்.ஜி.ஆர் வருவதாகத் தகவல் பரவ, செட்டில் எல்லோரும் எழுந்து நின்று எம்.ஜி.ஆருக்கு வணக்கம் சொல்லத் தயாராக நின்றார்கள். பொதுவாக ஜெயலலிதா படப்பிடிப்பு ஓய்வு நேரத்தில், யாருடனும் பேசுவது வழக்கம் அல்ல. ஆங்கில நாவல்களைப் படிப்பார். அன்றும் எம்.ஜி.ஆர் வரும் வழியிலிருந்து சற்றுத்தள்ளி அமர்ந்திருந்து புத்தகம் படித்துக்கொண்டிருந்தார். ‘எங்கேயோ போய்க்கொண்டிருக்கிறவருக்கு, இருக்கிற இடத்தில் நின்றபடியே நாம் வணக்கம் செலுத்துவது போலியானது’ என ஜெயலலிதா தன் வேலையில் மூழ்கியிருந்தார். அன்றைய படப்பிடிப்பு முடிந்தபின் ஒருசிலர் ஜெயலலிதாவின் இந்த நடத்தையை எம்.ஜி.ஆரிடம் வேறுமாதிரி சொல்லி வைத்தார்கள். “நேற்று ஃபீல்டுக்கு வந்த பெண். கொஞ்சமும் மரியாதை தெரிய வில்லை. எப்போதும் கால்மேல் கால் போட்டுக்கொண்டு உட்காருகிறார். உங்களைச் சாதாரணமான முறையில் அணுகுகிறார்’’ என்றார்கள். ஆரம்பத்தில் எம்.ஜி.ஆருக்கு உறுத்தலாக இல்லை எனினும், வளர்ந்துவரும் நடிகை என்பதால் ஜெயலலிதாவின் வளர்ச்சி கருதி, பந்துலுவிடம் இவ்விஷயம் குறித்துச் சொல்லிவைத்தார்.  பந்துலுவும் சந்தியாவிடம் இதைச் சொல்ல, அன்று படப்பிடிப்பு முடித்துவந்த மகளைக் கண்டித்தார் அவர். மறுநாள் காலை படப்பிடிப்புக்கு நேர மாகியும் ஜெயலலிதாவின் அறைக்கதவு திறக்கப் படவில்லை. பயந்துபோய் சந்தியா சத்தம்போட, கதவைத் திறந்து வெளியே வந்த ஜெயலலிதா, “இனி நான் சினிமாவில் நடிக்கப்போவதில்லை. என் விருப்பம்போல படிக்கப்போகிறேன். என்னைத் தொந்தரவு செய்தால் எந்த முடிவையும் எடுப்பேன்” எனச் சொல்ல, பயந்துபோனார் சந்தியா. “நான் எந்தவிதத்தில் மற்றவர்களுக்குக் குறைந்தவள்? படத்தில் ஒரு கலைஞராக நான் என் பணியை ஒழுங்காகச் செய்கிறேன். மேற்கொண்டு எல்லோருக்கும் வணக்கம் சொல்லணும், எழுந்து நிற்கணும் என்பதெல்லாம் முட்டாள்தனம். அவர் படத்தின் நாயகன், நான் நாயகி. தொழில்முறையில் இருவரும் கலைஞர்கள். அவரை மதிக்கிறேன். ஆனால், அவர் வரும்போதெல்லாம் எழுந்து நிற்கணும் என எதிர்பார்ப்பது என்ன நியாயம்? இங்கு எல்லாரும் சமம். ராணி எலிசபெத் வந்தாலும், நாட்டின் பிரதமரே வந்தாலும், எனக்கு விருப்பமிருந்தால்தான் எழுந்து மரியாதை செய்வேன். அது என் விருப்பம். ஜனநாயக நாட்டில் என்னைக் கட்டாயப்படுத்த யாருக்கும் உரிமை இல்லை” என ஆவேசமாகச் சொல்லி முடித்தார் ஜெயலலிதா. படப்பிடிப்பு தாமதமானதால், அப்போது பந்துலுவும் அங்கே வந்திருந்தார். ``உன் விருப்பம் போல் இரு... யாரும் உன்னை எதுவும் கேட்க மாட்டார்கள்” என சமரசம் செய்து அழைத்துச் சென்றார் அவர். 

அரசல்புரசலாக இந்தச் சம்பவம் எம்.ஜி.ஆர் காதுக்கும் சென்றது. ‘என்ன ஆகுமோ’ என அஞ்சினார் பந்துலு.

எம்.ஜி.ஆரோ ஆச்சர்யமும் அதிர்ச்சியும் அடைந்தார். சினிமா வளர்ச்சிக்காகத் தன்னை அண்டி, புகழ்ந்து வாழும் நடிகர் நடிகையரையே பார்த்துப்பார்த்துப் பழகிப்போன எம்.ஜி.ஆருக்கு ஜெயலலிதாவின் செயல் வியப்பை அளித்தது. தன்னைப் பகைத்துக்கொண்டால் அது, தன் திரையுலக வாழ்க்கையைப் பாதிக்கும் என்று தெரிந்தும், அத்தனை துணிச்சலாக `படப்பிடிப்புக்கு வர மாட்டேன்' என்றதையும், `யாருக்காகவும் என்னை மாற்றிக்கொள்ளமாட்டேன்' என்கிற அவரின் உறுதியையும் கண்டு ஒருசேரத் திகைத்து நின்றார் எம்.ஜி.ஆர். அவரது மனதில், ‘இந்தப் பெண் மற்றவர்களைப்போல சாதாரணமான ஒரு நடிகை அல்ல; தனித்துவம் மிக்கவள்’ என்ற அழுத்தமான எண்ணம் உருவானது.

அன்றைய தினம் படப்பிடிப்பு முடிந்ததும் ஜெயலலிதாவை அழைத்த எம்.ஜி.ஆர், ``அம்மு... நான் உன்னை, ‘பானுமதிபோல’ என நடிப்பை வைத்துச் சொன்னேன். ஆனால், நீ நடிப்பில் மட்டுமல்ல... எல்லாவற்றிலும் அவரைப்போலத்தான்” எனப் பாராட்டினார். எம்.ஜி.ஆரின் வார்த்தைகளுக்கு அர்த்தம் தெரியாமல் விழித்து நின்றார் ஜெயலலிதா!

(அம்முவின் கதை அறிவோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism