Published:Updated:

விஜய்யின் உணவு அரசியல்!

விஜய்யின் உணவு அரசியல்!
பிரீமியம் ஸ்டோரி
News
விஜய்யின் உணவு அரசியல்!

விஜய்யின் உணவு அரசியல்!

விஜய்யின் உணவு அரசியல்!

ட்லி சாப்பிடுறதை வெச்சு விஜய் சொன்ன கம்யூனிசத்தை மட்டும்தானே எல்லாரும் மைண்ட்ல வெச்சிருக்கோம். சாப்பாட்டை வெச்சு இன்னும் என்னென்னவோ குறியீடுகள் சொல்லியிருக்கார் விஜய். அதையும் என்னனு பார்த்துடுவோமா?

‘வேட்டைக்காரன்’ படத்துல அனுஷ்காவோட பாட்டி செஞ்சு கொடுத்த நண்டுக் குழம்பை சாப்பிட்டுக் காரம் தாங்காம கண்ணீரோட எழுந்திருச்சு வருவார் விஜய். இதுல இருந்து என்னா சொல்ல வர்றாருன்னா, `சாப்பாட்டை மனுஷன் சாப்பிடுற மாதிரி சமைங்க. அட்லீஸ்ட் காரமா சமைச்சா காது கிழியிறதுக்குள்ள பக்கத்துல ஒரு டம்ளர் தண்ணியைக் கட்டாயம் வைங்க’னு குறியீடாகச் சொல்லிட்டுப் போறார்.

‘போக்கிரி’ படத்துல அசின் உப்புமா கொண்டுவந்து சாப்பிட்டுப் போவாங்க. அடுத்து அவங்க தம்பி தனியா சாப்பிட்டுட்டுப் போவாரு. இதையெல்லாம் நோட் பண்ணுன விஜய் டைரக்டாவே அவங்ககிட்ட கேட்டுடுவாரு. இதன் மூலமா என்ன சொல்ல வர்றாங்கனா `அக்கம்பக்கத்துலேயும் சாப்பாட்டைக் கொடுத்து ஷேர் பண்ணிப் பழகுங்க மக்களே’ன்னுதான் சொல்ல வர்றாங்க மக்களே!

விஜய்யின் உணவு அரசியல்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அப்புறம் இந்த `நண்பன்' படத்து `ஹார்ட்டிலே பேட்டரி...' பாட்டை கேட்டீங்கன்னா அதுல ஒரு வரியில... `கேன்டீன் வடையிலே நூலைக்கண்டால் ஆல் இஸ் வெல்... நூலைக்கொண்டுவா பட்டம் விடுவோம்'னு சொல்லி இருப்பாரு. பட்டம் விடுவோம்னா என்ன அர்த்தம்னா, கெட்டுப்போன சாப்பாட்டை போடுறாங்கங்கிற விஷயத்தை உயரத்தில் பறக்கவிட்டு ஊரறியச் செய்வோம்கிறதைத்தான் அப்படிக் குறியீடாகச் சொல்லிருக்காரு.

இந்த `கில்லி' படத்துல ஃபிளைட்டுக்கு நேரமாச்சுன்னு அவசரமா பஸ்ல போயிக்கிட்டு இருக்குறப்போ காரப்பொரி சாப்பிடணும்னு சொல்லுவாங்க த்ரிஷா. `டைம் ஆகிக்கிட்டு இருக்குது இந்த நேரத்துல போயி காரப்பொரியா?'னு கடுப்பாவாரு விஜய். அதாவது ‘ஒரு ப்ளான் பண்ணிப் போயிட்டு இருக்குறப்போ கண்டதையும் சாப்பிட்டு நேரத்தை வேஸ்ட் பண்ணக்கூடாது ஃப்ரெண்ட்ஸ்’ங்கிறதைத்தான் சுத்திவளைக்காம நேரடியாவே சொல்லிருக்காரு. ஹ்ம்ம்ம். இருந்தாலும் அடுத்த ஷாட்லேயே த்ரிஷாவை அப்படி அறைஞ்சிருக்கக்கூடாது. பாவம் பாஸ்.

அவ்வளவு ஏன் பாஸ்... இப்போ வந்த `பைரவா' படத்துலகூட சி.பி.ஐ யாக ஏமாத்தி இன்வெஸ்டிகேஷன் பண்ணப்போன இடத்துல, நாலு இட்லிக்கு ஆறு சிலிண்டரான்னு கேட்டு தூக்கிப்போட்டு உடைப்பாரு விஜய். இதெல்லாம் என்னத்துக்குனு நினைச்சீங்க? சிக்கனத்தைக் கடைபிடிக்கணும்கிற சிறப்பான... மிகச்சிறப்பான கருத்தை மக்களுக்குச் சொல்லி புரிய வைக்குறதுக்குத்தான் மக்களே. ஆஹான்!

- ஜெ.வி.பிரவீன்குமார்