Published:Updated:

உள்ளாட்சி உய்யலாலா!

உள்ளாட்சி உய்யலாலா!
பிரீமியம் ஸ்டோரி
News
உள்ளாட்சி உய்யலாலா!

உள்ளாட்சி உய்யலாலா!

உள்ளாட்சி உய்யலாலா!

* உள்ளாட்சித் தேர்தல் வருவதற்கான அறிகுறிகளை எதைவெச்சுக் கண்டுபிடிக்கலாம்னு யோசிச்சோம். அட... காலங்காலமா இப்படித்தாங்க நடக்குது.

* அ.தி.மு.க நிகழ்ச்சிகளில் எல்லாம் எம்.ஜி.ஆர் தலைகாட்டுவார். தி.மு.க நிகழ்ச்சிகளில் பெரியாரும், அண்ணாவும் நினைவுகூரப்படுவார்கள். காங்கிரஸ் கூட்டங்களில் `காமராஜர் ஆட்சி அமைப்போம்'னு வழக்கம்போல் கூவத் தொடங்குவார்கள்.

* எல்லா ஏரியா கவுன்சிலர்களும் அப்போதான் பொதுமக்கள் கண்களுக்குச் சிக்குற மாதிரி வெள்ளையும் சொள்ளையுமா நடமாடத் தொடங்குவாங்க. 

உள்ளாட்சி உய்யலாலா!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

* நமக்கே அதிர்ச்சி அளிக்கிறமாதிரி, பொதுநலன் கருதி எல்லாக் கட்சிகளும் போராட்டம் பண்ணத் தொடங்கும்.

* அரசாங்கம், மக்களுக்கான நல்ல திட்டங்களை கடைசி மூணு மாசத்துல கஷ்டப்பட்டு நிறைவேற்றத் துடிக்கும்.

* ரெண்டு வருஷமா எரியாமக் கிடந்த தெருவிளக்குகள் எல்லாம் `பளிச்'னு பகல்லேயே எரிய ஆரம்பிக்கும்.

* ஊர்ல ஒரு சுவர் விடாம, கட்சிப் பேரை எழுதி, ஃபுல், ஆஃப்னு அடையாளக் குறி போடத் தொடங்குவாய்ங்க.

* தடையில்லா மின்சாரம், குடிநீர் கிடைக்கும். பாலம் கட்டுறது, பஸ் ஸ்டாண்ட் கட்டுறதுன்னு அங்கங்க அடிக்கல் நாட்டுவாங்க.

* ஜார்ஜ் புஷ் ரேஞ்சுக்கு மிதப்பாத் திரிஞ்ச கவுன்சிலர்கள் எல்லோரும் வழியில் வெளியூர்காரனைப் பார்த்தாக்கூட சிரிச்சிக்கிட்டே வணக்கம் வைப்பாங்க. 

உள்ளாட்சி உய்யலாலா!

* பிரியாணி செய்யும் பாய், லைட், சவுண்டு சர்வீஸ்காரர், ஷாமியானா பந்தல், சேர் வாடகைக்குக் கொடுக்குறவங்கெல்லாம் கெத்தா திரிவாங்க.

* `நான் பொறுப்பேற்றதும்...'னு ஒரு வசனம் அடிக்கடி மேடைகளில் கேட்கும்.

* அப்புறம் முக்கியமான ஒண்ணு, நாடாளும் மக்கள் கட்சித் தலைவர் கார்த்திக் அறிக்கை கொடுக்க வீட்டை விட்டு வெளியில் வருவார்.

* இதையெல்லாம் சம்பந்தமே இல்லாம இப்போ ஏன் சொல்றீங்கனு கேட்கிறீங்களா? இருக்கு, காரணம் இருக்கு! போன வருடம் தள்ளிவெச்ச அந்த உள்ளாட்சித் தேர்தலை எப்போ நடத்தப் போறாங்க? இவற்றில் எந்த அறிகுறியையும் இதுவரைக்கும் காணோமே... யாராவது கேட்டுச் சொல்லுங்க பாஸ்!

- விக்கி