ஜோக்ஸ்: யுவர்ஸ் ஹியூமர்லி!

இந்த ஓவியங்களை ஆனந்த விகடன் சமூகவலைதளங்களில் பதிவிட்டு, வாசகர்களிடம் ஜோக்ஸ் எழுதச் சொல்லியிருந்தோம். வந்து குவிந்ததில் சிறந்த ஸ்மைலிகள்... . “அம்மா... அப்படியே திட்டற மாதிரியே சூப்பரா பர்பாமன்ஸ் பண்ணிட்டியே. டிக் டாக்ல வீடியோ போட்டுட்டேன். லைக்ஸும் வியூவ்ஸும் அள்ளும்...’’

- வீரணம் சரவணன்

சரவணன். @saravankavi

. “அப்படி என்னடி சிரிப்பு உனக்கு?”

“நான் உங்களைப் பார்த்து சிரிக்கலே அத்தை. இந்த pdf பார்த்துதான் சிரிச்சேன். கோபக்கார, மாமியாரை அடக்கியாள, 10 ஐடியாக்கள்னு இதுல ரொம்ப அருமையா போட்டிருக்காங்க!”

வி.சி. கிருஷ்ணரத்னம் twitter

. "வாட்ஸ் அப்ல வதந்தி பரப்பினா கிரிமினல் குற்றம், தெரியுமா?"

"அதனாலதான் உங்க போன்ல இருந்து மெசேஜ் அனுப்புறேன் அத்தை!"

-சிவம், திருச்சி

சிவம் @absivam

. “செல்போன் கவரை வைச்சு ஏன் நோண்டிக்கிட்டு இருக்க?”

“செல்லை சார்ஜில் போட்டிருக்கேன். அது வரைக்கும்!”

Ravikumar Krishnasamy Facebook

. மாமியார் : எலி வந்து சோபாவைச் சுரண்டறதுகூடத் தெரியாம அப்படியென்ன பிடிச்சு வெச்ச பிள்ளையார் மாதிரி உட்கார்ந்துனு இருக்கே?

மருமகள் : அதுவொண்ணுமில்ல அத்தை... `தனிமையில் ஓர் எலியும் கிளியும்’ன்னு ஸ்டேட்டஸ் போட்டுனு இருக்கேன்.

பூநசி.மேதாவி @poonasimedhav

. "அப்பா, என்னை ஆசீர்வாதம் செய்ங்க..."

"எதுக்குடா திடீர்னு?"

"வருடா வருடம் எக்ஸாம் இல்லாமலே பாஸ் பண்றதுக்கு!"

-பழநி

Palani Balaraman

@bpthilakavathi

. ``அப்பா, மழைக்கும் கொரோனாவுக்கும் என்ன வித்தியாசம்ப்பா?’’

``மகனே, அடுத்த 24மணிநேரம் லீவ் விட்டா அது மழைக்கு... அதே 24நாள் லீவ் விட்டா அது கொரோனாப்பா..

ஹர்ஷாபாStrawberryBanana

@Ntramesh_kpm

. “அப்பா, வீட்டிலேயே 21 நாள்கள் இருக்கறதுக்கு ஏன் பயமா இருக்குன்னு சொல்றீங்க?’’

“21 நாள்கள் ஊரடங்கு முடிஞ்சு ஆபீஸ் போனாலும், இதே மாதிரி ஈஸி சேரில் உட்கார்ந்துகிட்டுதான் வேலை செய்யணும் என்று தோன்றும் என்பதால்தான்!’’

M Sriram

@sriram_m20

. ``எப்படிப்பா அம்மா எவ்ளோ திட்டினாலும் கவலையேபடாம சந்தோசமாவே இருக்கிங்க?’’

``நான் சின்னப் பையனா இருக்கும்போதும் இதேதான் எங்க அப்பாகிட்ட அடிக்கடி கேப்பேன்.’’

அபிவீரன்

@Akku_Twitz twitter

. “ஒன்னாங்கிளாசில் இருந்து ஒன்பதாங்கிளாஸ் வரை அனைவரும் பாஸாம்!”

“அப்போ, தங்கச்சிப் பாப்பாவை ஒன்னாங்கிளாஸ் சேர்க்கிறதுக்கு பதிலா, நேரா பத்தாங்கிளாஸ் சேர்த்திடலாம்ப்பா!”

Ravikumar Krishnasamy Facebook

. “ரெண்டு பேரும் ஹோம் ஒர்க் பண்ணாம என்ன பண்றீங்க?”

“நாங்க பாஸாயிட்டோம் அப்பா! நீங்க ஒழுங்கா ஒர்க் ஃபிரம் ஹோம் செய்யுங்க. அப்போதான் கம்பெனிக்கு ‘பாஸ்’ ஆக முடியும்!”

Ravikumar Krishnasamy Facebook

. ``எதுக்குப்பா சிரிச்சிட்டே இருக்கீங்க?’’

``உங்கம்மா ஊருக்குப் போயிருக்குற நேரமா பார்த்து ஊரடங்கு உத்தரவு வந்திருக்குல்ல, அதனாலதான்.’’

ராமுவேல் கந்தசாமி twitter

ஜோக்ஸ்: யுவர்ஸ் ஹியூமர்லி!

விகடன் டீம்