"தலைவரோடது மேஷ ராசிதானே... துலாம் ராசிக்குப் பணவரவுன்னு போட்டிருக்கிறதைப் பார்த்து எதுக்கு சந்தோஷப்படறாரு?"

"அது அவர் பினாமியோட ராசியாச்சே!"

- அஜித்

"மைக்கைப் பிடித்த அடுத்த நொடியே மைதானத்தில் வெற்றிடத்தை உருவாக்கும் என் தலைவனைப் பார்த்தா சொல்லுகிறீர், அரசியலில் வெற்றிடம் இல்லை என..!"

- கி.ரவிக்குமார்

“ஐந்நூறு படத்துக்கு மேல நடிச்ச அந்த நடிகருக்கு இப்ப போய் ‘இது நூறாவது படம்’ன்னு விளம்பரப்படுத்தறாங்களே?!”

“அரசியலுக்கு வரேன்னு சொல்லிட்டு அவர் நடிச்ச நூறாவது படமாம்!”

- எஸ்.எஸ்.பூங்கதிர்

"தலைவரே, உங்களை கூட்டத்துக்குக் கூப்பிட வந்திருக்காங்க."

"பேசவா?"

"இல்லை தலைவரே... நீங்க கூட்டத்தைப் பார்த்ததே இல்லைன்னு பார்க்கக் கூப்பிடறாங்களாம்."

- கிணத்துக்கடவு ரவி