``போலீஸில் சிக்கிய தலைவர், எல்லாம் ஏத்துக்கிட்டு எப்படி ஒப்புதல் வாக்குமூலம் கொடுத்தாரு..?’’

``விசாரணையைத் தனி அறையிலே நடத்தாம, அவரை மேடையில பேசச் சொல்லி நாலு பேரை விட்டுக் கைதட்டச் சொல்லியிருக்காங்க... எல்லாத்தையும் கக்கிட்டாரு..!"

- பழ.அசோக்குமார்

" `என்னை யாரும் விலைபேச முடியாது'ன்னு தலைவர் அறிக்கை விட்டிருக்கிறாரே... பரவாயில்லையே!"

"நீ வேற... அவரேதான் அவரோட ரேட்டை ஃபிக்ஸ் பண்ணுவாராம்!"

- ஏந்தல் இளங்கோ

"இது என் மனைவி செய்த குழம்பு!"

"இதை எதுக்குய்யா மேடைக்கு எடுத்துகிட்டு வந்தே?"

"குழந்தை எதுவும் கிடைக்கலை. அதனால இந்தக் குழம்புக்கு ஏதாவது பேரு வைங்க தலைவரே!"

- அஜித்

"நான் மறுபடியும் எப்ப டாக்டர் வரணும்?"

"போன் நம்பர் குடுத்துட்டுப் போங்க, தேவைப்படும்போது சொல்றேன்..!"

- வி. ரேவதி, தஞ்சை