Published:Updated:

ஆயிரம் அம்புகள் எய்து அசத்திய சஞ்சனா!

ஆயிரம் அம்புகள் எய்து அசத்திய சஞ்சனா!
பிரீமியம் ஸ்டோரி
ஆயிரம் அம்புகள் எய்து அசத்திய சஞ்சனா!

சாதனை

ஆயிரம் அம்புகள் எய்து அசத்திய சஞ்சனா!

சாதனை

Published:Updated:
ஆயிரம் அம்புகள் எய்து அசத்திய சஞ்சனா!
பிரீமியம் ஸ்டோரி
ஆயிரம் அம்புகள் எய்து அசத்திய சஞ்சனா!

வில்வித்தையில் உலக சாதனை செய்திருக்கிறார், மூன்றே வயதான சஞ்சனா. மூன்றரை மணி நேரத்துக்குள் 1,111 அம்புகளை எய்து இந்தச் சாதனையைப் படைத்திருக்கிறார். எம்.ஜி. ஆர் ஜானகி கல்லூரியில்,  பயிற்சியிலிருந்த சஞ்சனாவைச் சந்தித்தோம். துறுதுறுவென சேட்டை செய்து கொண்டிருந்தவரின் கைகளில் வில் கொடுக்கப்பட்டதும், இலக்கை குறிவைத்து சரியாக அம்பை எய்து அசரவைக்கிறார்.

சஞ்சனாவின் அம்மா ஸ்வேதா, ‘`இரண்டு வயசுல சஞ்சனாவுக்குப் பிறந்தநாள் கொண்டாடினோம். அப்போ, ஒரு விளையாட்டு வில் அவளுக்குப் பரிசா கிடைச்சது. மற்ற பொருள்களைத் தவிர்த்து, எப்பவும் அந்த வில் வெச்சே விளையாட ஆரம்பிச்சா.  யார்கிட்டேயும் அதைக் கொடுக்க மாட்டா. அவளின் ஆர்வத்தைப் பார்த்து, வில்வித்தை கோச்சிங்கில் சேர்க்கலாம்’னு இருந்தோம். அப்போது ஷிஹான் ஹுசைனி பற்றிக் கேள்விப்பட்டு அவரைச் சந்திச்சோம்.

ஆயிரம் அம்புகள் எய்து அசத்திய சஞ்சனா!

அவர் பாப்பாவைப் பார்த்ததும் கையில் வில்லைக் கொடுத்தார். அவர்கிட்ட அந்த வில்லை வாங்கின சஞ்சனா, அதைத் திருப்பிக் கொடுக்க மாட்டேன்னு சொல்லிட்டா. அவர் சிரிச்சுக்கிட்டே ‘உங்க மகளைச் சேர்த்துக்கிறேன்’னு சம்மதிச்சார். ஒரு நாளைக்கு 36 அம்புகளை எய்தணும். ஆனால், சஞ்சனாவோ 100 அம்புகளை எய்தாள். நாளுக்கு நாள் இவள் ஆர்வம் அதிகமாச்சு. ஒருநாள் 500 அம்புகளை எய்தாள். எங்க எல்லோருக்கும் ஆச்சர்யம், சந்தோஷம்’’ என்கிறார்.

ஆயிரம் அம்புகள் எய்து அசத்திய சஞ்சனா!

சஞ்சனாவின் அப்பா பிரேம்நாத், ‘`ஒருநாள் 1000 அம்புகளை எய்தாள். அப்போதான் பாப்பாவை ரெக்கார்டு பண்ண வைக்கலாம்னு ஹுசைனி சொன்னார். நல்லா சப்போர்ட் பண்ணி பயிற்சிகொடுத்தார். போட்டியன்று, மூன்றரை மணி நேரத்தில் 1,111 அம்புகளை எய்து ரெக்கார்டு செய்வது எனத் தீர்மானிச்சு ஏற்பாடுசெய்தோம். சஞ்சனா 3 மணி 20 நிமிடங்களிலேயே முடிச்சுட்டா. ‘Hu World Record INC, Hu Archery Mission’ சார்பாக, வேர்ல்டு யங்கஸ்ட் கேர்ள் (World’s Youngest Girl) என்கிற விருது கொடுத்தாங்க’’ என்றார் பெருமையுடன்.

‘`எனக்கு வில்வித்தைனா ரொம்பப் பிடிக்கும். ஹுசைனி அங்கிளைப் பார்த்தாலே குஷியாகிடுவேன்’’ என மழலைக் குரலில் சொல்கிறார் சஞ்சனா.

ஆயிரம் அம்புகள் எய்து அசத்திய சஞ்சனா!

பயிற்சியாளர் ஷிஹான் ஹூசைனி, ‘`பொதுவாக, ஐந்து வயதுக்குட்பட்ட குழந்தைங்களால் வில்வித்தை பண்ண முடியாது. அவங்க கவனம் ஒரே சீராக இருக்காது. அதனால், சஞ்சனாவுக்குப் பயிற்சி கொடுக்கத் தயங்கினேன். ஆனால், அவள் கையில் வில்லைக் கொடுத்ததும் திருப்பித் தராமல் அடம்பிடிச்சதில் ஆர்வத்தைப் புரிஞ்சுகிட்டேன். சேலன்ஞ்சா எடுத்து பயிற்சி கொடுக்க ஆரம்பிச்சேன். அவள் ஒரே நேரத்தில் 500 அம்புகளை எய்ததும், எனக்குப் பெரிய நம்பிக்கை வந்திருச்சு. இந்த வயசுல இப்படி ஒரு சாதனையை யாரும் செஞ்சதில்லே. சஞ்சனாவை ரெக்கார்டு பண்ணவைக்கலாம்’னு டிரெயினிங் கொடுத்தோம். ஆகஸ்ட் 15-ம் தேதி ரெக்கார்டு பண்ணும்போதும் ‘முடியுமா... நிறுத்திடலாமா?’னு கேட்டோம். ஒவ்வொரு தடவையும் ‘I Can... I Can’’ எனச் சொன்னாள். 3 மணி 20  நிமிடங்களிலேயே சாதனையைச் செய்துட்டாள். இனி, எல்லா வகையான வில்வித்தையிலும் யங்கஸ்ட் கேர்ள் என்ற சாதனை செய்து, இந்தியாவின் பெருமையை உலக அளவில் சஞ்சனா கொண்டுசெல்வாள் என நம்புகிறோம்’’ என்றார்.

இலக்கை அடைய வாழ்த்துகள் சஞ்சனா!

- வெ.வித்யா காயத்ரி

அட்டை, படங்கள்: ப.பிரியங்கா