Published:Updated:

ரயில் இன்னும் தாமதமாய் வந்திருக்கலாம்!

ரயில் இன்னும் தாமதமாய் வந்திருக்கலாம்!
பிரீமியம் ஸ்டோரி
News
ரயில் இன்னும் தாமதமாய் வந்திருக்கலாம்!

கவிதை: அய்யப்பமாதவன், ஓவியம்: செந்தில்

ரவுக்குள் நுழைந்த ரயிலடியில் வரச் சொன்னவள் 

எங்கிருக்கிறாள் எனத் தெரியவில்லை

பயணிகளுக்கிடையே பயணியாய்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

அதிராத் தண்டவாளங்களுக்கிடையே இருந்த

நடைமேடையில் என்னைப் பார்க்க

அதிர்ந்துகொண்டிருந்தாள்

இரும்புச்சக்கரங்களின் பெருமோசைபோல

இசைத்த இதயத்தில் இருந்தவளைக் காண

விழிகள் துடித்தபொழுதில் கண்டுகொண்டேன்

அதோ அவளேதான் என நெருங்க

வெட்கமேறிய சிரிப்பால் வரவேற்றாள்

பிறைநிலவும் சின்னஞ்சிறு நட்சத்திரங்களும்

நிலத்தைக் காண்பதுபோல் சுடரும் விழிகளால்

ததும்பும் அன்போடு உற்று நோக்கினாள்

ரயில் இன்னும் தாமதமாய் வந்திருக்கலாம்!

உரையாடல் காதலின் ஆழத்தை வெளிப்படுத்திய பொழுது

அவள் விரல்களை இறுகப் பற்றிக்கொண்டேன்

அப்போது எனக்கும் அவளுக்கும்கூட

அர்த்தமற்றுப்போயிருந்தன சொற்கள்

எனக்கான பழங்களைத் தந்தபோது

கனிந்து சுவை கூட்டினாள் என்னுள்

அளித்தவை காடு விளைவித்த பழங்களில்லை

எதையும் தந்துவிடும் காடு போன்று

பெருந்தன்மைகொண்ட அரிய மனம்

என்றே புரிந்துகொண்டேன்

அவள் போகும் திசைக்கான ரயில்

வருகின்ற வேளை இன்னும்

தாமதமாய் வந்திருக்கலாம் எனத் தோன்றியது

என்னைப் பிரிய அவளும் அவளைப் பிரிய

நானும் தயங்கியபோது தயக்கம் காட்டாது

கிளம்பிய ரயிலிலிருந்து என்னையே பார்த்தவளை

நானும் பார்த்துக்கொண்டிருக்க

ஓடத் தொடங்கியிருந்த ரயில் எப்பவும்போல்

தனிமையை விட்டுச் சென்றது தண்டவாளங்களுக்கு.