காத்திருப்பின் நெடி

அ ம்மாவின் முறைக்காகக் காத்திருந்தேன்

. பிரபல மருத்துவமனையில்

. முப்பது அகவையை விருப்பமின்றி நெருங்கியும் தாண்டியும்

. பெண்களிருவர் தங்கள் சிறுவயது மகள்களுடன் அருகில்.

. நெருக்கத்தில் பூத்திருந்த அவ்விரு மலர்களையும்

. பார்த்திருக்கப் பிடித்ததெனக்கு.

. அகன்ற திரையில் லூஸான விவாதங்களைக்

. காண்பதைவிடவும்.

. அம்மாக்களின் பிடியிலிருந்து லாகவமாகக் கீழிறங்கி

. சக்கர நாற்காலி ஏற்றி இறக்கும் சரிவில்

. சரிந்து விளையாடிய பின்

. ஓடிக்கொண்டும் பிடித்துக்கொண்டும் இருந்த மலர்களைப்

. புன்னகையுடன் வருடிச்சென்றாள் இளந்தாதி ஒருவள்

. இருவாட்சி மணம் கமழும் வரவேற்பறையில்.

. கவனம் கலைந்த பெற்றோர்கள் பதறிச் சென்று

. வரமறுத்த குழந்தைகளை 'அமைதியா இரு’ எனக் கண்டித்து

. அவரவர் மடியிருத்தித் திரையில் மூழ்கினர் மீண்டும்.

. இருவாட்சியின் இதழ்கள் இப்போது வாடிப்போயிருந்தன

. மேலும் மருத்துவமனையின் கசந்த நெடி

. மெள்ளக் கசியத் தொடங்கியிருந்தது

. காத்திருப்பறை முழுவதும்.