சொல்வனம்

கோடை விடுமுறை...

. கோடை வெயிலை அடித்துப் பிழிந்து

. தலைகீழாய்த் தொங்கவிட்டுவிடுகிறார்கள்

. விடுமுறையில் பிள்ளைகள்.

. மதியவேளைகளில் அம்மா கண்ணசருகையில்

. ரகசியப் பூனையென உருட்டுகின்றனர் அடுக்களையை.

. தொலைக்காட்சி அலைபேசிகளை

. விருப்பம்போல் தன்வசப்படுத்துகிறார்கள்.

. இரவு நேர மொட்டைமாடி உறக்கத்தில்

. வெகுநேரம் நட்சத்திரங்களை எண்ணுகிறார்கள்.

. செல்லப்பிராணிகளோடு

. முன்னிலும் நெருக்கமாகிவிடுகிறார்கள்.

. மறந்திருந்த விளையாட்டுக்களைத் தூசிதட்டி

. துடைத்தெடுக்கிறார்கள்.

. காகிதப் பட்டங்களின் வால் பிடித்தபடியே

. நூல்கண்டுகளோடு காற்றுக்கு அலைகிறார்கள்.

. உண்ணும் உறங்கும் நேரங்களைக் கலைத்துப்போட்டு

. வெகுநேரம் கழித்துத் தேடி அடுக்குகிறார்கள்.

. விருப்பம்போல சண்டையிட்டுக்கொள்கிறார்கள்.

. விருப்பம்போல கூடிக்கொள்கிறார்கள்.

. பள்ளி திறப்பதற்கு முதல் நாளில்

. கோடை விடுமுறையை புன்னகையோடு

. வழியனுப்பிக் கையசைக்கிறார்கள்.

. - ந.கன்னியக்குமார்

. ரயில்...

. கேட் மூடப்பட்டுவிட்டது

. ரயில் தூரத்தே வரும்

. ஓசையையும் அதிர்வையும் உணரமுடிகிறது.

. வாகன ஓட்டிகளுக்கும்

. எதிரெதிரே காத்திருப்பவர்களுக்கும்

. ரயில் பார்க்கும் ஆசை துளியுமில்லை.

. தடதடத்துக் கடக்குமதன் வால் மறைவதற்குள்

. புகை கக்கியபடி உறுமுகின்றன டூவீலர்கள்

. பாய்ந்து பரபரத்து அந்தக் கணத்தைக்

. கடந்துவிடத் துடிப்பவர்கள்போல.

. மதத்தைக் கடந்துவிட

. சாதியைக் கடந்துவிட

. காதலைக் கடந்துவிட

. சமதளத் தண்டவாளங்களில் பாய்ந்து

. உடல்கள் துண்டங்களாகிச் சிதறக் கடக்கும்

. ரயிலின் கண்ணீர் ஆவியாகி

. ஒலிப்பானின் சத்தம்

. நூற்றாண்டுக் கதறலைப்போல

. காற்றைக் கிழித்துக்கொண்டு

. மரண ஓலத்தோடு

. ஊருக்குள் நுழைகிறது தலைதெறிக்க.

. - சூ.சிவராமன்

. தாயம் கேட்கும் தலைமுறை...

. சோழியைக் குலுக்கிப் போட

. பன்னிரண்டு விழுந்ததைப் போல

. பிள்ளைகள் பெற்றாளாம் அப்பத்தா.

. நோவுக்கு நான்கு சாவுக்கு மூன்று

. தின்னக் கொடுத்த பின் மிஞ்சியது

. அப்பாவும் அத்தைகளுமென ஐந்து உருப்படிகள்.

. அத்தைகளைப் பொறுப்பாய்க் கரைசேர்த்து

. நாற்பதில் திருமணம் முடித்த அப்பாவுக்கு

. சோழியில் விழுந்தது நான்கு

. ஐம்பதை நெருங்கும்போது

. வெட்கத்தோடே தம்பியைப் பெற்றாளாம் அம்மா.

. மென்பொருள் துறையொன்றில்

. மனிதவளப் பிரிவில் பணிபுரியும் நான்

. ஒன்பது வருடங்களாகக் காத்திருப்பதோ

. ஒரே ஒரு தாயத்துக்குத்தான்.

. - சச்சின்

. மீளவரும் குளம்...

. நீர் உரசிப் பறக்கும் தட்டான்கள்

. தாழ்வான மரக் கிளையில் ஒரு மீன்கொத்தி மறைந்திருந்து கூவும் ஒரு போர்க்குயில் வளைந்த மொட்டைப்பனையில் ஒரு கிளி

. மரச்சரிவில் ஒரு மரங்கொத்தி...

. பதிவுசெய்து வைத்திருந்த காட்சிகள்

. மீளவருகின்றன மனக்கண்ணில்

. வற்றிய இந்தக் குளக்கரையில்.

. - சேயோன் யாழ்வேந்தன்

சொல்வனம்

Vikatan Correspondent