எரி நட்சத்திரங்கள்போல வீழும் முத்தங்கள்!

உ ன் முத்தம் பெறும் நினைவு

. வெயில் காலத்தில் பெய்யும் அரிய மழையை ரசிப்பது போன்றது

. உன் இதழ்களில் என் இதழ்கள்

. தலையை தன் கூட்டுக்குள் மறைத்துக்கொண்டிருக்கும்

. நத்தை வடிவம் போலாக வேண்டும்

. பிரிக்கவியலா இதழ்கள்

. பெரும் காமத்தில் நடைபோடத் தொடங்குவதை

. எண்ணிக் களிக்கிறேன் தெரியுமா

. நாம் சந்திக்கும் கணங்களில்

. நிசப்தத்தில் உறைந்திருக்கும் நம் உதடுகள்

. வாத்தியங்கள் இசைக்காத இசைவெளியில்

. முத்த மீட்டல்களை மீட்டும்

. உன் சம்மதத்தில் பேரழிவு வெள்ளமென

. பெருக்கெடுக்கும் கற்பனைகளில் விரிந்து மிதக்கும் நான்

. மது பருகாமலேயே மதுவுண்ட கிறக்கத்தில்

. உன் அருகாமை நிகழத் தவித்திருக்கிறேன்

. உனைக் காணும் பேராவலில் செயலற்று விக்கித்துப்போன

. என்னுள் விழித்துக்கொள்ளும் ஆண்மையை

. வானவில்லின் நிறங்களில் அழகாக்குகிறேன்

. நீ பார்க்கும் பொழுதுகளில் எவ்விதத் தடையுமற்று

. ஒரு தாயைப்போல நீ அள்ளிக்கொள்ள

. குழந்தையைப் போன்ற பரிவிலிருக்கிறேன்

. எந்தக் கணத்திலும் நீ வெறுக்காதிருக்கவே

. உன் மெல்லிய மனதில் மனதைக் கோக்கப்போகிறேன்

. இரவு வந்துகொண்டிருந்தபோது

. நீயாக விடியப்போகும் பொழுதின் பரவசங்களில்

. புணர்ந்த உணர்வில் மிதந்தலைகிறேன் என்னுள்

. திடீரென்று வந்த உன் அழைப்பு

. என் ஏக்கங்களை மண்மூடிப் புதைக்க

. கொடுக்கப்படாத நம் முத்தங்கள்

. வீழ்கின்றன எரி நட்சத்திரங்கள்போல.