Published:Updated:

10 செகண்ட் கதைகள்

10 செகண்ட் கதைகள்
பிரீமியம் ஸ்டோரி
10 செகண்ட் கதைகள்

ஓவியங்கள்: ஸ்யாம்

10 செகண்ட் கதைகள்

ஓவியங்கள்: ஸ்யாம்

Published:Updated:
10 செகண்ட் கதைகள்
பிரீமியம் ஸ்டோரி
10 செகண்ட் கதைகள்
10 செகண்ட் கதைகள்

வாக்குமூலம்

‘என் சாவுக்கு யாரும் காரணம் அல்ல’ எனக் கடிதம் எழுதி முடித்ததும், சுரேஷ் தூக்கில் தொங்கவிடப்பட்டான்.

- அஜித்

10 செகண்ட் கதைகள்

கடன்... கல்லாகட்டும்!

இயங்கிவந்த அப்பாவின் மளிகைக்கடையை ஏற்று நடத்த முன்வந்த மகன், முதல் வேலையாக `கடன் அன்பை முறிக்கும்’ என்ற போர்டைக் கழற்றிவிட்டு `All credit cards are accepted here’ போர்டை மாட்டினான்.

- அஜித்

10 செகண்ட் கதைகள்

ஞாபகம் வருதா... ஞாபகம் வருதா!

‘சொன்னீங்களே... செஞ்சீங்களா..?’ என்ற விளம்பரத்தை டி.வி-யில் பார்த்த மறுவிநாடி, கணவன் பக்கம் திரும்பி, `‘ஏங்க, `போனஸ் வந்ததும் பட்டுபுடவை வாங்கி தரேன்’னீங்களே... என்ன ஆச்சு?’’ எனக் கேட்டாள் மனைவி.

- பர்வீன் யூனுஸ்

10 செகண்ட் கதைகள்

ஒழுங்கீனம்

``சில்லறை இல்லைன்னா பஸ்ல ஏறாதீங்க’’ எனக் கத்திக்கொண்டிருந்தார் சில்லறை இல்லாமல் பணிக்கு வந்த பஸ் கண்டக்டர்.

- பாலூர் பிரேம்பிரதாப்

10 செகண்ட் கதைகள்

வரிசை

தேர்தல் நாள் அன்று வாக்காளர் அடையாள அட்டையுடன் வரிசையில் நின்றுகொண்டிருந்தான்... தட்கலில் ரயில் டிக்கெட் வாக்குவதற்காக.

- நந்த குமார்

10 செகண்ட் கதைகள்

ரகசிய போலீஸ்

ஓட்டுக்குப் பணம் கொடுப்பதை செல்போனில் ரகசியமாகப் படம்பிடித்து தேர்தல் ஆணையத்துக்கு அனுப்பிக்கொண்டிருந்தவனை, செல்போனில் படம்பிடித்து, அனுப்பவேண்டியவருக்கு அனுப்பினான் இன்னொருவன்.

- மல்லிகா குரு

10 செகண்ட் கதைகள்

ஒரு தரம்... ஒரே தரம்

`அனைவருக்கும் வேலைவாய்ப்பு உறுதிசெய்யப்படும்’ - பிரசாரத்தில் பேசிய அரசியல்வாதி, ``இந்த ஒரே ஒருமுறை மட்டும் வாய்ப்பு தாருங்கள்’’ எனக் கெஞ்சிக்கொண்டிருந்தார்.

- திருத்தணி கோ.பகவான்

10 செகண்ட் கதைகள்

உழைப்பாளி

``இந்த வழியா மே தின ஊர்வலம் வருது. இங்கே எல்லாம் கீரை விற்கக் கூடாது. இடத்தைக் காலி பண்ணு கெழவி’’ என மிரட்டினார் கான்ஸ்டபிள்.

- சி.சாமிநாதன்

10 செகண்ட் கதைகள்

ஸாரி... லேட்டா வந்துட்டீங்க!

``அஞ்சு நிமிஷத்துக்கு முன்னாடி வந்திருந்தீங்கன்னா ட்ரெய்னைப் பிடிச்சிருக்கலாம்’’ என்றார் போர்ட்டர், டாக்டரிடம்.

- வேம்பார் மு.க.இப்ராஹிம்

10 செகண்ட் கதைகள்

லாரிகளும் லோடுகளும்

‘`இந்த கிரவுண்டோட கெப்பாசிட்டி என்ன?” - தலைவர் கேட்டார். ‘`தாராளமா 50 லாரி லோடு ஜனங்க உட்காரலாம் தலைவரே!’’ என்றார் உதவியாளர்.

- வீ.விஷ்ணுகுமார்

10 செகண்ட் கதைகள்

அதிகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு ` 500. உங்கள் கதைகளை 10secondstory@vikatan.com என்ற ஐ.டி-க்கு அனுப்பலாம்!