Published:Updated:

சொல்வனம்

சொல்வனம்
பிரீமியம் ஸ்டோரி
சொல்வனம்

படம்: அருண் டைட்டன்

சொல்வனம்

படம்: அருண் டைட்டன்

Published:Updated:
சொல்வனம்
பிரீமியம் ஸ்டோரி
சொல்வனம்
சொல்வனம்

கண்ணீர் இரவு... 

கரும்பு ஆலைக்கோ

நூல் மில்லுக்கோ

கனரக வாகனத்துக்கோ

மளிகைக் கடைக்கோ

பல்பொருள் அங்காடிக்கோ

விடியற்காலையில் சென்று

நிலவு பார்க்க வீடு திரும்பி

அரைகுறையாக உண்டு

அலுப்பில் உறங்குபவனை

பாதியில் எழுப்பி

உனக்கு இன்னும்

எத்தனை நாள் விடுமுறை என்றோ

எப்போது பள்ளி திறக்கும் என்றோ

கேட்டுவிடாதீர்கள்

விடுமுறை வெறுப்பினாலான

அவன் கண்ணீரில்

இரவு உறைந்துவிடும்.

 - மு.மகுடீசுவரன் 

தலைமுறைத் தூது...

தழைத்துயர்ந்த புன்னை மரத்தின்

நிழல் சாய்ந்துகிடக்கும் முதலாம் மாடியில்

பால்கனி கசிந்துமணக்கும் அந்தியில்

தாமிர நிற மயிர் காற்றில் படர

புன்னையென்றால் என்னவென்றறியா

தலைமுறைத் தலைவி

கயல்விழிகள் கண்ணீரில் நீந்தக் காத்திருக்கிறாள்.

எம்.ஜி.ஆர் நகர் முனையில்

பென்சில் ஃபிட் கால்களைக் கவ்வ

தேங்காய்க் குடுமி தாடிசெய்து

எஃப் இசட்டில் உறுமிக்கொண்டிருக்கிறான் தலைவன்.

தூது செல்லும் காந்த அலைகளே

தொழில்நுட்பக் கோளாறெதுவும் அண்டவிடாமல்

அவனிடம் சேர்த்துவிடுங்கள்

'டாடி மம்மி வீட்டில் இல்லை’ என்ற

வாட்ஸ்அப் செய்தியை. 

- சச்சின்

குர்குர்ரே...

மருத நிலத்துக் கிழவர்கள்

பேசிச் சிரித்திருந்த திண்ணைகள் இடிக்கப்பட்டு அங்கு நாய்கள் ஜாக்கிரதை பலகைகள்.

வளையல்கள் மோதி  

கிணிர் ஒலியோடு மோவாய் அருகே

நீட்டப்பட்ட வெண்கலச் சொம்புகளுக்குப் பதிலாக டி.வி ரிமோட்கள் விருந்தினர்களுக்கு.

கவண்கல் எறிந்து கில்லி தாண்டி

வீதிகளில் மகிழ்ந்திருந்த குழந்தைகள்

டோரா சொல்ல அதை

மூன்றுக்கு ஆறு இன்ச் திரையில் தேடும்

லேஸ் குர்குர்ரே தத்துப்பிள்ளைகள்.

தினவேறிய தோள்களோடு

காளைகளை அடக்கிய

சேர சோழ பாண்டிய வாரிசுகள்

குவார்ட்டர் பாட்டில் மூடியைத்

திறக்க விரல்கள்

நடுநடுங்கிக்கொண்டிருக்கின்றனர்.

இருக்க இடம் கேட்ட கம்பெனிக்காரன்

நம் வீட்டு அறைகளில் கால்களை ஆட்டி

படுத்திருக்கிறான். 

 - எம்.ஸ்டாலின் சரவணன்