ஓவியங்கள்: ஸ்யாம்
சிலைத்திருட்டு
`இந்தச் சிலை எத்தனை வருடப் பாரம்பர்யம் கொண்டது?' - விசாரித்த வெளிநாட்டவரிடம், அதன் பல்லாயிரமாண்டு பழைமையைச் சொல்லத் தொடங்கினார், சிலைத்திருட்டு கேங் லீடர்!
- பாப்பனப்பட்டு வ.முருகன்
சுருங்கிய ஏரி!
ஏரியை ஆக்கிரமித்துக் கட்டிய கட்டடத்தில், `இங்கு மழைநீர் சேமிப்பு வசதி செய்யப்பட்டுள்ளது' என்ற பலகையை மாட்டினார்கள்.
- தினேஷ் சரவணன்.
பாசம்
`எந்த வம்புதும்பும் வராம, நீதான்யா எம் புள்ளையைப் பார்த்துக்கணும்' - கடவுளிடம் வேண்டிக்கொண்டு போலீஸ் வேலை கிடைத்த மகனை வழியனுப்பினாள் மரகதம்மாள்.
- வேம்பார் மு.க.இப்ராஹிம்
அவுட் ஆஃப் ஆர்டர்
``பணத்தை எண்ணுறது, பேலன்ஸைத் திரும்ப செக் பண்றதுனு டைம் வேஸ்ட் பண்ணாதீங்க. ஏ.டி.எம் மெஷின் தப்பு பண்ணாது'' என்றபடியே தன் பணத்தை மெஷினில் போட்டார் பேங்க் ஊழியர். பணம் உள்ளே போனதும் `அவுட் ஆஃப் ஆர்டர்' என்றது மெஷின்.
-ஆதி
யானை
காட்டைச் சுற்றிப் பார்த்துவிட்டு, முகாமுக்கு வந்தது கோயில் யானை!
- பெ.பாண்டியன்
ஒன்லைன் எபிசோட்
உதவியாளரிடம் கதையின் ஒன்லைன் கேட்டதும், ``அருமை.
300 எபிசோட் ஓட்டிடலாம்'' என்றார் சீரியல் இயக்குநர்!
- பெ.பாண்டியன்
புத்தக செல்ஃபி!
புத்தகக் கண்காட்சியில் புத்தகங்களின் பின்னணியில் பிரமோத் எடுத்த செல்ஃபிக்கு, ஃபேஸ்புக்கில் லைக்ஸ் குவிந்தன.
- ராம்ஆதிநாராயணன்
தொழில்முனைவோன்
உலக அளவில் தொழில்முனைவோருக்கான மாநாட்டு பார்க்கிங்கில் கரும்புச்சாறு ஸ்டால் போடும் சுந்தர், தன் திட்டமிடலைத் தொடங்கினான்.
- ஆதி
ஆப்... அழகு!
``இந்த போட்டோவுல நீ ரொம்ப அழகா இருக்கியே, எந்த ஆப் யூஸ் பண்ற?'' என்றான் சிவா.
- அபிசேக் மியாவ்.
ஆற்று வழி!
ஆற்றின் பாதையை அடையாளம் காட்டுகிறது, மணல் லாரி!
- பெ.பாண்டியன்
அதிகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு ` 500. உங்கள் கதைகளை 10secondstory@vikatan.com என்ற ஐ.டி-க்கு அனுப்பலாம்!