Published:Updated:

பச்சை வாடையோடு பிறந்திருக்கிறான் சூரியன் - கவிதை

பச்சை வாடையோடு பிறந்திருக்கிறான் சூரியன் - கவிதை
பிரீமியம் ஸ்டோரி
பச்சை வாடையோடு பிறந்திருக்கிறான் சூரியன் - கவிதை

கார்த்திக் நேத்தா

பச்சை வாடையோடு பிறந்திருக்கிறான் சூரியன் - கவிதை

கார்த்திக் நேத்தா

Published:Updated:
பச்சை வாடையோடு பிறந்திருக்கிறான் சூரியன் - கவிதை
பிரீமியம் ஸ்டோரி
பச்சை வாடையோடு பிறந்திருக்கிறான் சூரியன் - கவிதை
பச்சை வாடையோடு பிறந்திருக்கிறான் சூரியன் - கவிதை

டோகா உடை அணிந்துகொண்டு புறப்பட்டான் 

அந்த ரோமானியன்

ஐம்பது வருட பழைய மதுவை

எப்படியும் இன்று ருசித்துவிட வேண்டுமென்று

விடிகாலையே புறப்பட்டுவிட்டான்

தான் பிறந்த அதே நாளில்

முதன்முதல் கடைக்கு வந்த

அந்த மதுவகையை ருசிப்பதன் மூலம்

தன் பிறப்பை தான் உணர்ந்துகொள்ளக்கூடுமென

பார்ப்பவர்களிடம் சொல்லிச் சொல்லிச் சிரிக்கிறான்.

தன் மனைவியின் மார்புகளை

எப்போதும் முடிவின்மையின் மதுபோத்தல் என்றே

கிளர்ச்சியடையும் அவன்

பழுப்பேறிய அவள் கண்களைப் பார்த்துப் பார்த்தே

தாங்கவொண்ணா போதையும் அடையக்கூடியவன்.

நட்சத்திரங்கள் கொட்டாவிவிடும்

அந்த இளம் அமைதிப் பொழுதில்

பீட்டர்ஸ்பெர்க்கில் இருந்து வந்திருந்த

தன் நண்பனின் அலமாரியில் இருந்து

தனக்கான மதுவை வாங்கிக்கொண்டு

அவனது நெற்றிப்பொட்டில்

ஆழமான முத்தம் ஒன்றை வைத்தான்.

நிச்சலனமான ஓரிடம் சேர்ந்து

மெள்ள அருந்தத் தொடங்கினான்

தன் பிறந்த நாளை.

ருசித்துக்கொண்டே அழுதுகொண்டிருந்தான்

தான் பிறந்த அன்று பிறந்த

எல்லோரையும்

எல்லாவற்றையும்

நினைத்துக்கொள்ளத் தொடங்கினான்.

தன்னோடு

ஒளியின் பிசுபிசுக்கும் பச்சை வாடையோடு பிறந்த

சூரியனுக்கு வாழ்த்துச் சொல்லிவிட்டு

தன் மனைவியின்

படுக்கைக்குத் திரும்பிக்கொண்டிருந்தான்

ஒரு மலைப்பாம்பு

போன தடத்தை

மெள்ள மூடிக்கொண்டிருக்கிறது பனித்தூவல்.