Published:Updated:

10 செகண்ட் கதைகள்

10 செகண்ட் கதைகள்
பிரீமியம் ஸ்டோரி
10 செகண்ட் கதைகள்

ஓவியம்: ஸ்யாம்

10 செகண்ட் கதைகள்

ஓவியம்: ஸ்யாம்

Published:Updated:
10 செகண்ட் கதைகள்
பிரீமியம் ஸ்டோரி
10 செகண்ட் கதைகள்
10 செகண்ட் கதைகள்

புளூ டிக்:

``புளூ டிக் வருது.  எல்லாரும்  என் மெசேஜைப் படிச்சுட்டாங்க.  ஆனா, ஒருத்தர்கூட ரிப்ளை பண்ணலை'' - கோபத்தில் வாட்ஸ்அப் குரூப்பைவிட்டு வெளியேறினாள் சுந்தரி.  `சுந்தரி லெஃப்ட்  குரூப்' என்ற  மெசேஜைப் பார்த்து `சுந்தரி ஏன் குரூப்பைவிட்டுப் போயிட்டா?' என அனைவருக்கும் மெசேஜ் அனுப்பினார்கள்.

-  சுஜாதா ஜி

பேசுபொருள்

``அப்பா... ஆபீஸ்ல பேசவேண்டியதை எல்லாம் போன்ல பேசுறியே, அப்ப ஆபீஸுக்குப் போய் என்னதான் பேசுவே?'' என்று கேட்டாள் ஸ்வேதா.

-  மணிகண்டன்

பார்றா!

திருட்டு வி.சி.டி-யைப் பறிமுதல் செய்த போலீஸ்காரர், தன் மகனிடம் கொடுத்து, படம் பார்க்கச் சொன்னார்.

-  ​ஜெயசந்திரன்

நம்பிக்கை

`யாராவது தன்னைக் காப்பாற்றுவார்'  என,  கடைசி வரையிலும் நம்பினான், தற்கொலை செய்துகொண்ட சபரீசன்.

-  அஜித்

ஷாக்

ட்ரீட்மென்ட் ஹேர் டிரான்ஸ்பிளான்ட் சிகிச்சைக்கு கிரெடிட் கார்டில் பணத்தைக் கட்டியவன், வழுக்கைத் தலையுடன் வந்த டாக்டரைப் பார்த்து அதிர்ந்தான!

-  ​சதீஷ்

ஏமாற்றம்:

​``அப்பா என்னோட செல்ஃபி எடுத்துக்கிட்டார் ஃபேஸ்புக்ல  போட...  எனக்கு சாக்லேட்கூட வாங்கித் தரல'' - செல்ல மகள் சொல்வதைக் கேட்டுக்கொண்டிருந்தாள் விவாகரத்து வாங்கிய கீதா.

-  திருமாளம் எஸ்.பழனிவேல

ஃப்ரெண்ட்

``இவர்தான் என்  பெஸ்ட் ஃப்ரெண்ட்'' என, அப்பா தன் கல்யாண ஆல்பத்தைக் காட்டினார். மகன் தருண் அப்பாவியாகக் கேட்டான்...  `ஃபேஸ்புக்லயா... ட்விட்டர்லயா?''

-  பா.ஜெயக்குமார்

வீடியோ

``டி.வி-யில கண்டதையும் பார்க்காதே... உட்கார்ந்து படி!'' என மகனைத் திட்டியபடியே வாட்ஸ்அப்பில் வந்த வீடியோக்களைப் பார்க்க ஆரம்பித்தாள் பவித்ரா!

-  மணிகண்டன்

ஏரியா

``இந்த ஏரியா நல்லாயிருக்கு''

``ஒரு காலத்துல நல்லா இருந்த ஏரிதான் சார் இது!''

-  கிணத்துக்கடவு ரவி

போதை

``ஓடிப்போன மனைவியை நினைத்துக் குடிக்கிறேன்'' என்றான்.

``அவன் தினமும் குடிப்பதால்தான் வந்துவிட்டேன்'' என்றாள் மனைவி!

-  பரணிசூர்யா

10 செகண்ட் கதைகள்

திகபட்சம் 10 நொடிகளுக்குள் வாசித்து விடக்கூடிய ‘நச்’ கதைகள் அனுப்ப வேண்டும்.   பிரசுரமானால் பரிசு ரூ.500. உங்கள் கதைகளை 10secondstory@vikatan.com என்ற ஐ.டி-க்கு அனுப்பலாம்!