Published:Updated:

“சினிமா கற்றுத்தர ஆள் இல்லை!” - அருண்

“சினிமா கற்றுத்தர ஆள் இல்லை!” - அருண்
பிரீமியம் ஸ்டோரி
“சினிமா கற்றுத்தர ஆள் இல்லை!” - அருண்

சந்திப்பு: பாலு சத்யா - படங்கள் : ஆ.முத்துக்குமார்

“சினிமா கற்றுத்தர ஆள் இல்லை!” - அருண்

சந்திப்பு: பாலு சத்யா - படங்கள் : ஆ.முத்துக்குமார்

Published:Updated:
“சினிமா கற்றுத்தர ஆள் இல்லை!” - அருண்
பிரீமியம் ஸ்டோரி
“சினிமா கற்றுத்தர ஆள் இல்லை!” - அருண்
“சினிமா கற்றுத்தர ஆள் இல்லை!” - அருண்

மிழில் சினிமா குறித்த புத்தகங்களும் பத்திரிகைகளும் விவாதங்களும் உரையாடல்களும் தொடர்ந்தபடி இருந்தாலும், அவற்றையெல்லாம் ஒன்றிணைக்கின்ற ஒரு மையம் என்பது இங்கு இல்லை. அதோடு, சினிமாவை அதன் தொழில்நுட்பங்களோடு பயிற்றுவிக்கும் ஆசிரியர்களோ, முறையாக அறிமுகப்படுத்தும் குறிப்பிடத்தக்க கல்விக்கூடங்களோ நம்மிடம் இல்லை. அதற்கான தேவை இன்று அதிகமாகியிருக்கிறது. நல்ல சினிமாவை நாம் உருவாக்காவிட்டாலும், நல்ல சினிமாவைக் கண்டுகொள்ள மக்களிடம் அதை எடுத்துச்செல்ல யாராவது வேலைசெய்யவேண்டியிருக்கிறது. இந்த நிலையில் முழுக்க முழுக்க சினிமாவுக்கெனவே உருவாகியிருக்கிறது ஒரு புத்தகக் கடை... ‘ப்யூர் சினிமா’.

சென்னை, வடபழனியில் ஓர் அடுக்குமாடி வளாகத்தில், இரண்டாவது மாடியில் அமைந்திருக்கிறது ‘ப்யூர் சினிமா’. ‘தமிழ் ஸ்டுடியோ’ அருணும் அவர் நண்பரும் இணைந்து இந்தக் கடையை ஆரம்பித்திருக்கிறார்கள். உள்ளே நுழைந்ததும் ஆனந்த் பட்வர்த்தனின் ஆவணப்படங்கள் (டிவிடி) நம்மை வரவேற்கின்றன. உள்ளே நுழைந்து சுற்றிப் பார்த்தால், தமிழில் ஒவ்வொருவரும் சினிமா தொடர்பாக படிக்கவேண்டிய நிறைய புத்தகங்கள்... ஜமாலன் எழுதிய ‘கிம்-கி டுக்கின் சினிமாட்டிக் உடல்கள்’, யமுனா ராஜேந்திரன் எழுதிய ‘உத்தம வில்லன்’, கான்ஸ்தன்தீன் ஸ்தனீஸ்லாவ்ஸ்கி எழுதிய ‘ஒரு நடிகர் உருவாகிறார்’... `காட்ஃபாதர்’ திரைக்கதை, என அசரவைக்கின்றன புத்தகங்கள்.

“சினிமா கற்றுத்தர ஆள் இல்லை!” - அருண்

ஒட்டுமொத்த விகடனுக்கும் ஒரே ஷார்ட்கட்!



அருண், லண்டனில் சினிமா கோர்ஸ் படித்தவர். சினிமாவின் மேல் உள்ள ஈடுபாடு காரணமாக, தனியார் நிறுவன வேலையை விட்டுவிட்டு, `தமிழ் ஸ்டுடியோ’ என்கிற அமைப்பை ஆரம்பித்து நடத்திவருபவர். கருத்தரங்குகள், இணைய இதழ், பத்திரிகை எனத் தொடர்ந்து சினிமா சார்ந்து இயங்கிவருபவர். அருணுடன் உரையாடியதிலிருந்து...

``இப்படி ஒரு புத்தகக் கடையை ஆரம்பிக்கக் காரணம் என்ன?’’

``Film appreciationதான் முக்கியக் காரணம். சினிமாவில் ஒரு காட்சியை எப்படி அணுகுறது, விஷுவல்ஸை எப்படி உள்வாங்கிக்கிறது, ஒரு கதையை சினிமாவாக நாம் எப்படி புரிஞ்சிக்கிறோம்கிறதெல்லாம் ரொம்ப முக்கியம். இந்தக் கடைக்குள்ள நுழையுற ஒரு பார்வையாளருக்குப் படத்தை எப்படி பார்க்கணும்னு பயிற்சியளிக்கவேண்டியிருக்கு. அதுக்கு உதவறதுக்கு நிறையப் புத்தகங்களும் இங்கே இருக்கு. அம்ஷன் குமாரோட ‘சினிமா ரசனை’, ஒரு படத்தைப் பார்க்கறதுக்கு பார்வையாளனுக்கு ரொம்ப உதவும். அதுக்கு முன்னாடி சினிமாவின் வரலாறு தெரிஞ்சிருக்கணும். சினிமா வரலாறைத் தெரிஞ்சுகிட்டா, நீங்க Film appreciationக்குள்ள போயிடலாம். தியடோர் பாஸ்கரனின் ‘பாம்பின் கண் - தமிழ் சினிமா ஓர் அறிமுகம்’ தமிழ் சினிமாவின் வரலாறை நுட்பமான முறையில் அறிமுகப்படுத்தும் புத்தகம். இது மாதிரி ஒரு ‘தமிழ் சினிமா ரசிகன்’ முதல்ல படிக்கவேண்டிய புத்தகங்கள் நிறைய இருக்கு. அதையெல்லாம் படிச்சதுக்குப் பிறகு சினிமா தொழில்நுட்பங்களைத் தெரிந்துகொள்ள உதவும் புத்தகங்களைப் படிக்கலாம். ஸ்கிரிப்ட், நடிப்பு, எடிட்டிங், ஒளிப்பதிவுனு எல்லாத்துக்கும் புத்தகங்கள் இருக்கு. தொழில்நுட்பங்களுக்காகவே நிறையப் புத்தகங்களை வெளியிடப்போறோம். எங்களோட நோக்கம், வர்றவங்களை நிறையப் படிக்கவைக்கிறது... திரைப்பட ஆக்கத்துல இருக்குறவங்களுக்கு நிறைய கத்துக்குடுக்கிறது. இந்தியாவிலேயே இதுதான் சினிமாவுக்காக இருக்கிற ஒரே கடை. இதை ஓர் இயக்கமா நடத்துறோம். எங்களோட ‘தமிழ் ஸ்டுடியோ’ மாற்று சினிமாவுக்கான ஓர் இயக்கம். அதனோட ஒரு பகுதிதான் இந்த ‘ப்யூர் சினிமா’.’’

``தமிழில் சினிமா சம்பந்தமாக, குறிப்பாக தொழில்நுட்பம் தொடர்பான புத்தகங்கள் போதுமான அளவில் இல்லை என்கிறீர்கள். பிறகு தமிழ் சினிமாவுக்காக ஒரு புத்தகக் கடை எப்படி சாத்தியம்?’’

``அதேதான். புத்தகங்கள் இல்லைங்கறதாலதான் ஆரம்பிச்சோம். இப்படி ஒரு கடை இருந்தாத்தான் அதற்கான வெளி கிடைக்கும். ஆட்கள் வர வர, புத்தகங்களின் வரத்தும் அதிகமாகும். சினிமா தொடர்பாகப் படிக்கவும் கத்துக்கவும் விவாதிக்கவும் ஓர் இடம் கிடைக்கும்.’’

``இப்படி நல்ல நோக்கத்தோட நடத்தப்படும் புத்தகக் கடையில் ‘கிசுகிசு’ மாதிரியான புத்தகங்களும் வைத்திருக்கிறீர்களே... அவசியம்தானா?’’

``அது எதுக்குன்னா, ஆவணப்படுத்துவதற்கு (Documentation). எவ்வளவு மோசமான படமாக இருந்தாலும், அதை சேமிச்சுவைக்கணும்கிறது ஆவணப்படுத்துதலின் அடிப்படை விதி. இப்படி ஒரு படம் வந்ததுனு அடுத்த தலைமுறைக்குச் சொல்லவேண்டிய கடமை இருக்கு. `கிசுகிசு’ மாதிரியான புத்தகத்தை ஏன் வெச்சிருக்கோம்னா, வர்ற பார்வையாளருக்கு நாம போதனை (Preach) பண்ணக் கூடாது. அவங்களை யோசிக்கவைக்கிறதுக்கான சில வேலைகளைச் செய்யணும். அதாவது, `இந்தப் புத்தகங்களை எல்லாம் நீங்க படிங்க. ஆனா,  இது எந்த அளவுக்கு  முக்கியமானதுனு மறுபரீசிலனை பண்ணுங்க’னு சொல்லாம சொல்றது. உள்ள வந்ததுக்கு அப்புறம் அவங்களுக்கு வேற மாதிரி பயிற்சி குடுத்துடலாம்.’’

“சினிமா கற்றுத்தர ஆள் இல்லை!” - அருண்

``நூலகம் - உறுப்பினர் என்று ஒரு திட்டம் வைத்திருக்கிறீர்கள்... அதன் நோக்கம், செயல்பாடு எப்படி?’’

``படிக்கிற ஆர்வம் இருக்கிற எல்லா புத்தகங்களையும் எல்லாராலயும் வாங்க முடியாது. எங்க நூலகத்துல உறுப்பினர் ஆகிட்டா, நூலகத்தில் இருக்கும் எல்லா புத்தகங்களையும், சினிமா இதழ்களையும் படிக்கலாம். குறும்படங்கள், ஆவணப்படங்கள், உலக சினிமானு நிறைய படங்கள் வெச்சிருக்கோம். இங்கேயே புரொஜெக்டர் வைச்சு ஸ்கிரீன் பண்றோம். அதுல பார்க்கலாம். சினிமா தொடர்பா ஆய்வு பண்ற மாணவர்கள், இங்கேயே தங்கி ஆய்வு பண்ணலாம். அவர்களுக்கான அத்தனை வசதிகளும், தங்கும் அறையும் இங்கே இருக்கு. இது எல்லாத்தையும் சேர்த்து வருஷத்துக்கு ஒருத்தருக்கு 1,500 ரூபா சார்ஜ் பண்றோம்.’’
 
``உங்களிடம் அப்படி எத்தனைப் படங்கள் இருக்கின்றன?’’

``கிட்டத்தட்ட 5,000 படங்கள்... முக்கியமான, வெளியே எங்கேயும் பார்க்க முடியாத படங்கள். சில படங்களின் டிவிடிகூட இப்போது கிடைக்காது. தமிழ்ப்படங்கள்ல `ஒரே ஒரு கிராமத்திலே’னு ஒரு படம். இடஒதுக்கீடு பிரச்னையைப் பேசுகிற படம். இப்படி அரிய படங்களை இங்கே பார்க்கலாம். இத்தனைபேர் வந்தால்தான் படம் திரையிடுவோம்கிறதெல்லாம் இல்லை.

“சினிமா கற்றுத்தர ஆள் இல்லை!” - அருண்

ஒருத்தர் வந்தாக்கூட அவரே, அவருக்குப் பிடிச்ச படத்தை எடுத்துப் போட்டுப் பார்க்கலாம். படங்களை சந்தைப்படுத்துவதற்கான இடமாகவும் இது இருக்கு. குறும்படங்கள் எடுக்கிறவங்க, இங்கே குறும்படங்களை விற்பனைக்குக் கொடுக்கலாம். நிறைய நிகழ்ச்சிகள் நடத்துறோம். கருத்தரங்கங்கள் நடத்துறோம். வர்றவங்க டிவிடி வாங்குவாங்க. கிட்டத்தட்ட 10,000 டிவிடி-க்களை வைப்பதற்கான ஸ்பேஸ் இங்கே இருக்கு. படம் எடுக்க கத்துக்கறதுக்கான இடமாவும் இது இருக்கு.  `ஸ்டேட் ஆஃப் தி ஆர்ட்’னு சொல்லுவாங்க இல்லியா..? அது மாதிரி ஒரு இடத்துல அத்தனை விஷயங்களும் குவிஞ்சிருக்கு. சினிமா தொடர்பா ஏ டு இஸட் என்ன வேணாலும் தெரிஞ்சுக்கவும் செயல்படவும்கூடிய ஒரு களம் இது.’’

`` `தமிழ் ஸ்டுடியோ..?’ ’’

``தமிழ் ஸ்டுடியோங்கிறதுதான் பிரதானமானது. அதுல இருந்துதான் இந்த `ப்யூர் சினிமா’, ‘படச்சுருள்’, ‘பேசாமொழி’... எல்லாம். மார்க்கெட்டிங்குக்கு இந்த ‘ப்யூர் சினிமா’, சினிமா பற்றிப் பேசணும், படிக்கணும்னா ‘படச்சுருள்’, டாகுமென்டரி பண்ணணும், ஆர்கிவ்ஸ் வேணும்னா ‘பேசாமொழி’. கத்துக்கணும்னா ‘படிமை’னு ஒரு வழியிருக்கு. அதுல சினிமா சம்பந்தமா கிளாஸ் எடுக்கறோம். அதோட நிறைய இயக்குநர்கள், ஒளிப்பதிவாளர்கள், சினிமா ஆளுமைகள் எல்லாம் வந்து வகுப்பெடுப்பாங்க. ஓர் இயக்கம்னா, அதுக்குள்ள இலக்கியத்துக்கு ஓர் அணி, பெண்களுக்கு ஓர் அமைப்பு, தொழிலாளர்களுக்கு ஒரு பிரிவுனு இருக்கும் இல்லியா? அந்த மாதிரிதான் இந்தப் புத்தகக் கடையும், தமிழ் ஸ்டுடியோவின் ஒரு பிரிவு.’’

“சினிமா கற்றுத்தர ஆள் இல்லை!” - அருண்

``புத்தகங்கள்?’’

``முதல் கட்டமாக இயக்குநர் மிஷ்கினோட ‘ஓநாயும் ஆட்டுக்குட்டியும்’... கொண்டுவந்தோம். அது வெறும் திரைக்கதை வசனப் புத்தகம் இல்லை. ஒரு ஷாட் எப்படி கம்போஸ் பண்ணப்பட்டது, லைட்டிங் எப்படி வைக்கப்பட்டது, ஏன் மிஷ்கின் அப்படி ஒரு ஷாட்டை அந்தக் காட்சிக்கு வெச்சாருனு அவரே எழுதியிருக்கிறாரு. ஸ்கிரிப்ட், ஸ்டோரி போர்டு எல்லாம் தரப்பட்டிருக்கிறது. தமிழ்ல இதுவரைக்கும் இப்படி ஒரு புத்தகம் வந்ததில்லை.

இன்னொரு முயற்சியையும் செய்யறோம்.  மற்ற பதிப்பகங்கள்ல இருக்கும் சினிமா தொடர்பான புத்தகங்களை வாங்கி விற்கிறோம். அதோட, தமிழ்ல வெளியாகி, இப்போ இல்லாமப்போன சினிமா புத்தகங்களையும் நாங்களே திரும்பப் பதிப்பிக்கப்போறோம். அதுக்கான உரிமையையும் வாங்க முயற்சிக்கிறோம்.’’

``சினிமாவுக்குப் படித்துவிட்டு நீங்கள் ஏன் ஒரு படம்கூட இயக்கவில்லை?’’

``சினிமா என்ன... நான் ஒரு குறும்படம்கூட எடுத்தது இல்லை. இங்கே படம் எடுக்கறதுக்கு ஆயிரக்கணக்குல வந்துக்கிட்டு இருக்காங்க. சென்னை, சாலிகிராமம், வடபழனி பகுதிகள்ல ஆயிரக்கணக்கான உதவி இயக்குநர்கள் படம் பண்ணுற தீவிரத்துல சுத்திட்டு இருக்காங்க. ஆனா, நாங்க செய்ற இந்த விழிப்புஉணர்வு வேலையைச் செய்யத்தான் யாருமே இல்லை. ‘லைஃப் இஸ் பியூட்டிஃபுல்’, சத்யஜித்ரே படங்கள், ‘சினிமா பாரடைஸோ’, ‘பைசைக்கிள் தீவ்ஸ்’ மாதிரியான நல்ல படங்களைப் பாருங்கன்னு சொல்லித்தர்றதுக்கு ஆள் இல்லை. இது ஒரு பெரிய ப்ராசஸ். தொடர்ந்து பண்ணிக்கிட்டே இருக்கணும்.

“சினிமா கற்றுத்தர ஆள் இல்லை!” - அருண்


நாங்க ஊர் ஊரா போய் நல்ல நல்ல படங்களைத் திரையிடுறோம். அப்படித் திரையிடுறப்போ எத்தனையோ அனுபவங்கள்... எங்க ஸ்கிரீனைக் கிழிச்சிருக்காங்க. எங்களோட பல்லாயிரக்கணக்கான மதிப்புள்ள புரொஜெக்டரை உடைக்க வந்துட்டாங்க. ஆக, இப்படியான ஒரு வேலையைச் செய்ய யாரும் விரும்பறது இல்லை. அதனாலதான் நான் சினிமா எடுக்காம, இந்த வேலையைச் செய்ய வந்தேன். எங்களுக்கு உதவறதுக்கு நல்ல சில உள்ளங்களும் இருக்கு. எங்க பயணமும் தொடர்கிறது.’’