Published:Updated:

10 செகண்ட் கதைகள்

10 செகண்ட் கதைகள்
பிரீமியம் ஸ்டோரி
10 செகண்ட் கதைகள்

ஓவியம்: ஸ்யாம்

10 செகண்ட் கதைகள்

ஓவியம்: ஸ்யாம்

Published:Updated:
10 செகண்ட் கதைகள்
பிரீமியம் ஸ்டோரி
10 செகண்ட் கதைகள்
10 செகண்ட் கதைகள்

ஏ.டி.எம்.

``ரொம்ப நாளா பூட்டியிருந்த இடம். காத்துக் கருப்பு இருக்கப்போகுது. பாத்து போ'' என, ஏ.டி.எம் போகும் மகளிடம் கூறினாள் அம்மா.

 - நந்த குமார்

கட்டிங்

கஸ்டமர் யாரும் இல்லாததால், முடி வெட்டிக்கொள்ள அமர்ந்தார் சலூன்கடைக்காரர். 

- ரியாஸ்

சமாதானம்

``பக்கத்து வீட்டுக்காரர், ​உங்ககூட சமாதானமாகிட்டார்னு எப்படிச் சொல்றீங்க?''

``எனக்கு ஃபேஸ்புக்ல லைக்ஸ் போட்டிருக்கார்.''

- பெ.பாண்டியன்

சம்பள அட்டை
                          
``முதல் மாசச் சம்பளத்தைக் கண்ணுல காட்டுடா'' என்ற தாயிடம், டெபிட், கிரெடிட் கார்டுகளைக் காண்பித்தான் மகன்.

- ஏந்தல் இளங்கோ

10 செகண்ட் கதைகள்

காபி மேக்கர்

`கும்பகோணம் டிகிரி காபி'யை,  நெடுஞ்சாலை ஹோட்டலில் போட்டுக் கொண்டிருந்தான் பீகார்காரன்.

- பிரகாஷ் ஷர்மா

டைம்

``உனக்குக் கொடுத்த டைம் முடிஞ்சிருச்சு, செல்லைக் கொடு'' என்று மகனிடம் வாங்கி கேமைத் தொடர்ந்தார் அப்பா.

- வெ.சென்னப்பன்

பசி

தெருநாயின் பசியை உணர்ந்திருக்கிறான் பிச்சைக்காரன்.

- பெ.பாண்டியன்

அடம்

``எனக்கு, டெடிபேர் வேணாம்; பேய் பொம்மைதான் வேணும்!'' என அடம்பிடித்தது குழந்தை.

- கோ.பகவான்

ஏமாற்றம்!

அடித்துப்பிடித்து ஏறி அமர்ந்த பிறகு கிளம்பியது, பின்னால் நின்றிருந்த பேருந்து.

 - கி.ரவிக்குமார்

நகரத்து பயம்

தென்னைமரத்தின் மேல் அநாயாசமாக ஏறிய கிராமத்து அப்பா, ஷாப்பிங் மாலில் எஸ்கலேட்டர் ஏற பயந்து கீழேயே நின்றார்.

- நந்த குமார்

10 செகண்ட் கதைகள்

அதிகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு ` 500. உங்கள் கதைகளை 10secondstory@vikatan.com என்ற ஐ.டி-க்கு அனுப்பலாம்!