10 செகண்ட் கதைகள்

குறி

. ``பேருந்து எப்போ வரும்?'' எனக் கேட்டார், கிராமத்தில் குறி சொல்லும் பூசாரி.

- அபிசேக் மியாவ்

. முன்னேற்றம்

. ஸ்கூட்டர் ஓட்டத் திணறும் அப்பா, கார் ஓட்டப் பழகினார் செல்போன் கேமில்.

- கோ.பகவான்

. சத்துணவு

. வீட்டில் இருந்து மதிய உணவு கொண்டுவந்திருந்தார் சத்துணவு ஆயா.

- சி.சாமிநாதன்

. ஒற்றுமை

. ``வழிகாட்ட ஒரு தலைவனே இல்லாம, எப்படி உங்களுக்குள்ள போராட்டம் நடத்துற ஒற்றுமை வந்தது?'' என ஆச்சர்யமானார் சுதந்திரப் போராட்டத் தியாகி.

- பெ.பாண்டியன்

. ஏமாற்றம்

. ``ஏ.டி.எம்-ல ஒரு பேய் சார்'' என இயக்குநர் சொன்னதும், ``ஏமாந்துபோயிருக்குமே!'' என்றார் புரொடியூஸர்.

- கோ.பகவான்

. புலம்பல்

. ``இந்த ஆபீஸ்ல எவனாவது வேலைசெய்வானா சார்..?'' எனப் புலம்பிக்கொண்டே, ஓய்வுபெறும் வரை அதே அலுவலகத்தில் இருந்தார் ராம்கி.

- கே.சதீஷ்

. காலண்டர்

. ஏழைகள் வீட்டில், வருடாவருடம் தொங்குகிறது அடகுக் கடை காலண்டர்.

- கட்டுமாவடி கவி கண்மணி

. தள்ளிச் சென்ற மரணம்

. சிறையில் தற்கொலைக்கு முயன்ற மரண தண்டனைக் கைதி, காப்பாற்றப்பட்டார்.

- கோ.பகவான்

. முதல் வேலை

. ஆபீஸுக்கு வந்ததும் முதல் வேலையாக வைஃபையை ஆன்செய்து வாட்ஸ்அப்பில் வந்த மெசேஜைப் படித்துக்கொண்டிருந்தாள் கார்த்திகா.

- கிருஷ்ணகுமார்

. புலம்பல்

. ``பேயை காமெடியா காட்டி, என் பொழப்பைக் கெடுத்துட்டாங்களே!'' எனப் புலம்பிக் கொண்டிருந்தார், பேய் ஓட்டும் பூசாரி. - பர்வீன் யூனுஸ்

. அ திகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு ₹500. உங்கள் கதைகளை 10seconds tory@vikatan.com என்ற ஐ.டி-க்கு அனுப்பலாம்!

10 செகண்ட் கதைகள்

Vikatan Correspondent