Published:Updated:

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!
பிரீமியம் ஸ்டோரி
ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

Published:Updated:
ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!
பிரீமியம் ஸ்டோரி
ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

இது பொருளாதார நூல் அல்ல. பொருளாதாரம் நம்முடைய தலைவிதியை எப்படித் தீர்மானித்தது, தீர்மானிக்கிறது, தீர்மானிக்கப்போகிறது என்பதைச் சொல்லும் நூல். தயாரிப்பாளன், வர்த்தகன், எஜமானன், கண்காணிப்பாளர், கடைக்காரர் ஆகிய ஐந்து அடையாளங்கள் கொண்ட முதலாளி, இந்த உலகத்தைத் தீர்மானிக்கும் சக்தியாக எப்படி உருவாகிறார் என்ற படிநிலை வளர்ச்சியை எளிமையாகச் சொல்கிறது இந்நூல். வரலாற்றை பொருளாதாரச் சித்தாந்தத்துடனும், பொருளாதார சித்தாந்தத்தை வரலாற்று வழியாக விளக்கும் நோக்கத்துடனும் எழுதப்பட்டுள்ளது. ஐரோப்பிய நில உறவுகளை இந்த நூல் விளக்கினாலும், இந்திய நில உறவுகள் குறித்த புரிதல் இருப்பவர்கள் அங்கும் இங்குமான நிலைமைகளை ஒப்பீடு செய்து பார்க்க முடியும்.

ஜூ.வி நூலகம் - மிதமிஞ்சிய லாபம் மட்டுமே வர்த்தகம் அல்ல!

‘நிலப்பிரபுத்துவ யுகத்தின் துவக்க காலத்தில், செல்வத்தை அளவிடும் சாதனமாக நிலம் மட்டுமே இருந்தது. வர்த்தக விரிவாக்கத்திற்குப்பின், புதிய வகையான செல்வமும், பணமும் இருப்புக்கு வந்தன. நிலப்பிரபுத்துவத்தின் ஆரம்ப காலத்தில் பணம் நிலையாக, செயலற்றதாக, அசையாமல் இருந்தது. இப்போது அது உயிரோட்டமாக, நெகிழ்வாக, செயல்படுவதாக ஆயிற்று. நிலப்பிரபுத்துவத்தின் ஆரம்ப காலத்தில், சமூகம் எனும் தராசில் ஒருபுறம் நிலம் படைத்த மதகுருக்கள், பிரபுக்கள் இருந்தனர்; மறுபுறம் தம் உழைப்பில் வாழும் விவசாய உழைப்பாளர்கள் இருந்தனர். இப்போது வாங்குதல் - விற்றல் செய்து புதிய வகையாக வாழ்க்கையைத் தொடரும் மத்தியதர வர்க்கம் களத்திற்கு வந்தது’ என்ற சிந்தனை வளர்ச்சியை, துளித்துளியாக லியோ ஹூபர்மேன் விளக்குகிறார். இதைக் கதைசொல்லும் போக்கில் லியோ எழுதி இருப்பதும், அதை விட இயல்பாக மாதவ் மொழிபெயர்த்து இருப்பதும், இந்தப் புத்தகத்துக்கான நோக்கத்தை அடைய வாய்ப்பாக அமைந்துள்ளது.

ஒரு காலத்தில் வட்டி கண்டிக்கப்பட்டது. லாபம் கண்டிக்கப்பட்டது. உழைப்புக்கு மிஞ்சிய பலன் கண்டிக்கப்பட்டது. இடைத்தரகர்கள் கண்டிக்கப்பட்டார்கள். அப்படிப்பட்ட ஒரு காலம் இருந்தது. லாபமும் மிதமிஞ்சிய லாபமும் மட்டுமே வர்த்தகமாகிவிட்ட சூழலில், இந்தப் புத்தகம் வந்துள்ளது. லியோ ஹூபர்மேன் ஒரு உதாரணம் சொல்கிறார்... குரங்கின் கை நுழையும் அளவுக்கு தேங்காயில் ஓட்டை போட்டு, அதில் கொஞ்சம் சர்க்கரையும் போடுவார்கள். கையை உள்ளே விட்டு சர்க்கரையை எடுக்கப் பார்க்கும் குரங்கு. சர்க்கரையை அள்ளியபடி கையை வெளியே எடுக்க முடியாது, அதற்காக சர்க்கரையையும் விடாது. இந்தப் பேராசையே அதன் அழிவுக்குக் காரணம் ஆகுமாம்.

இந்தப் புத்தகம் நமது அழிவை அளக்கிறது.

தேச செல்வங்களின் கதை
- லியோ ஹூபர்மேன்
தமிழில்:  க.மாதவ்

சிந்தன் புக்ஸ்,  132/251, அவ்வை சண்முகம் சாலை, கோபாலபுரம், சென்னை-86 தொடர்புக்கு: 9445123164

விலை: ரூ.250/-

- புத்தகன்