Published:Updated:

ஜூ.வி நூலகம்: பனை மர ஈரம்கூட மனித மனங்களில் இல்லை!

ஜூ.வி நூலகம்: பனை மர ஈரம்கூட மனித மனங்களில் இல்லை!
பிரீமியம் ஸ்டோரி
ஜூ.வி நூலகம்: பனை மர ஈரம்கூட மனித மனங்களில் இல்லை!

ஜூ.வி நூலகம்: பனை மர ஈரம்கூட மனித மனங்களில் இல்லை!

ஜூ.வி நூலகம்: பனை மர ஈரம்கூட மனித மனங்களில் இல்லை!

ஜூ.வி நூலகம்: பனை மர ஈரம்கூட மனித மனங்களில் இல்லை!

Published:Updated:
ஜூ.வி நூலகம்: பனை மர ஈரம்கூட மனித மனங்களில் இல்லை!
பிரீமியம் ஸ்டோரி
ஜூ.வி நூலகம்: பனை மர ஈரம்கூட மனித மனங்களில் இல்லை!

1801... தூக்குக்கயிறுகள் புனிதம் அடைந்த ஆண்டு. மருது சகோதரர்கள், மருதுவின் மகன்களான சிவஞானம், உடையான், சிவத்தையாவுடன் கட்டபொம்மனின் தம்பி ஊமைத்துரையையும் வெள்ளையர் ஆட்சி தூக்கில் போட்ட ஆண்டு அது. அதற்கு இரண்டு ஆண்டுகளுக்கு முன்னர்தான் கட்டபொம்மன் தூக்கிலிடப்பட்டார். தூக்கில் போடுவது பிரிட்டிஷ் ஆட்சியாளர்களின் பிறவித் தொழிலாக மாறிப்போனது. இந்த வரலாறுகள் அறியா மக்கள்தான், 1857-ம் ஆண்டை முதலாவது இந்தியச் சுதந்திரப் போர் ஆண்டாகச் சொல்வார்கள்; நம்புவார்கள்; படிப்பார்கள்.

அந்தப் புரட்சிகரமான 1801-ம் ஆண்டை மீட்டுக் கொண்டுவருகிறார் டாக்டர் ராஜேந்திரன். இனப்பற்றும், மொழிப்பற்றும், வரலாற்று அறிவும் ஒரு தேர்ந்த நிர்வாகிக்கு இருந்தால், எத்தகைய படைப்பைக் கொடுப்பார் என்பதற்கு உதாரணமாகவே ராஜேந்திரனின் ஆய்வுகள் அமையும். இந்த நூலும் அப்படித்தான் அமைந்திருக்கிறது.

ஜூ.வி நூலகம்: பனை மர ஈரம்கூட மனித மனங்களில் இல்லை!

ஒருவிதத்தில் பார்த்தால் இது மருதுபாண்டியர் வரலாறு. மருதுபாண்டியர் வழியாக தென்னிந்தியச் சுதந்திரப் போராட்ட வரலாறு. இந்த வரலாற்றை டாக்டர் ராஜய்யன், எஸ்.எம்.கமால், மீ.மனோகரன் போன்றவர்கள் செறிவான ஆதாரங்களுடன் எழுதி இருக்கிறார்கள். ராஜேந்திரன் வேறொரு பாணியைக் கையில் எடுத்துள்ளார். அதுதான் வரலாற்றைப் புனைவுக்கான நடையில் வழங்குவது. இது புனைவு அல்ல. அத்தனைக்கும் ஆதாரங்கள் உள்ளன. ஆனால், படிக்கச் சுவையான நடையில் தர இதுவே வசதியானபாணி.அதில்ராஜேந்திரன்வென்றிருப்பதுதான்இந்தப் புத்தகத்தின் வெற்றி.

பிரிட்டிஷ் கவர்னர்கள், கலெக்டர்களின் வாழ்க்கையையும், சுதந்திரப் போராளிகளின் வாழ்க்கையையும் ஆவணங்களில் இருந்து எடுத்துக் கோத்துள்ளதால் நேரடி வர்ணனையாகவே இருக்கின்றன பல்வேறு பக்கங்கள்.

அதுவும் தூக்குக் காட்சிகள் மனதை ரணம் ஆக்குகின்றன. ‘‘அதிகார வெறியில் சுருக்குக் கயிறுகளைத் தொங்கவிட்டுக் காத்திருந்த வெள்ளைக் கழுகுகளின் காதுகள் மட்டுமல்ல... ஐம்புலன்களும் மரத்துப் போயிருந்தன. வெட்டப்பட்ட பனைமரங்களில் இருந்த ஈரம்கூட, அங்கிருந்த மனிதர்களின் மனங்களில் இல்லை’’ என்கிறார். பிரிட்டிஷ் அதிகாரிகளுடன், பெரிய மருதுவும் சின்ன மருதுவும் செய்யும் வாதங்கள் விறுவிறுப்பானவை. வேலு நாச்சியாருக்கும் மருது சகோதரர்களுக்குமான நட்பும் உறவும் தெளிவாகச் சொல்லப்பட்டுள்ளன.

வரலாறு சொல்ல இது புதிய பாணி. வரலாறு புரிய இது புதிய ஏணி.

1801
- டாக்டர் மு.ராஜேந்திரன் இ.ஆ.ப.

அகநி வெளியீடு,
எண் 3, பாடசாலை தெரு, அம்மையபட்டு, வந்தவாசி.
தொடர்புக்கு: 98426 37637

விலை: ரூ.500/-

- புத்தகன்