Published:Updated:

பேனாவில் மை நிரப்புவது! - கவிதை

பேனாவில்  மை நிரப்புவது! - கவிதை
பிரீமியம் ஸ்டோரி
பேனாவில் மை நிரப்புவது! - கவிதை

கவிதை: தமிழ் மணவாளன், படம்: சி.சுரேஷ் பாபு

பேனாவில் மை நிரப்புவது! - கவிதை

கவிதை: தமிழ் மணவாளன், படம்: சி.சுரேஷ் பாபு

Published:Updated:
பேனாவில்  மை நிரப்புவது! - கவிதை
பிரீமியம் ஸ்டோரி
பேனாவில் மை நிரப்புவது! - கவிதை

பால்பாயின்ட் பேனா வந்ததிலிருந்து
மறந்து போய்விட்டது
பேனாவுக்கு மை நிரப்பும் பெருங்கலை

பேனாவில்  மை நிரப்புவது! - கவிதை

அப்போதெல்லாம்
விரலிடுக்கில் மை பூசிக்கொள்ளாமல்
வெற்றி பெற முடியாது
எந்தத் தேர்விலும்

பள்ளிக்குக் கிளம்பும்போது
`பேனாவுக்கு இங்க் போட்டியா?’ வெனக்
கேட்காமல் ஒரு நாளும்
இருந்ததில்லை
அம்மா.
இப்போதெல்லாம்
ஸ்னாக்ஸ் பாக்ஸ்
எடுத்துக்கிட்டியா என்பதைப் போல.

சிந்தாமல் மை நிரப்ப இங்க் ஃபில்லர்
பயன்படுத்துவது போல
கௌரவக் குறைச்சல் ஏதுமுண்டோ?
இங்க் ஃபில்லரைத்
தொலைத்துவிட வேண்டும்.
ஐந்து மில்லி லிட்டர்
கொள்ளளவு கொண்ட பேனாவின்
விட்டம் ஒரு சென்டி மீட்டருக்கும் குறைவானது.
அதன் விளிம்பில்
இங்க் புட்டியின் வாயினைப்
பக்குவமானதொரு கோணத்தில் வைத்து
பதற்றமின்றிச் சொட்டுச் சொட்டாய்ப்
பேனாவின்
இருட் குழலில் இங்க் வளர்வதை
உற்று நோக்கியபடி.
 
வாழ்க்கையைப் போலத்தான்
ஓர் இம்மியளவுகூட முன்னர்
போதும் என்று முடிவு செய்வதேயில்லை.

‘இன்னும் நிரம்பவில்லை
இன்னும் நிரம்பவில்லை’யென
சொல்லிக்கொண்டேயிருக்கும்
மனம், கை, கண் யாவும்
இங்க் வழிந்து வெளியில் கொட்டும்
ஒவ்வொரு முறையும்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism