Published:Updated:

படர்க்கை - கவிதை

படர்க்கை - கவிதை
பிரீமியம் ஸ்டோரி
படர்க்கை - கவிதை

கவிதை: ஆத்மார்த்தி

படர்க்கை - கவிதை

கவிதை: ஆத்மார்த்தி

Published:Updated:
படர்க்கை - கவிதை
பிரீமியம் ஸ்டோரி
படர்க்கை - கவிதை

ங்கள்
பொம்மையைக் கொஞ்சம் விசாரிக்க வேண்டியிருக்கிறது.
சிறிது நேரத்தில் திரும்ப அனுப்பிவிடுவோம்
என அழைத்துச் சென்று ஆறுமணி நேரங்களாகியும்
வீடு திரும்பாததால் தேடிச் செல்கையில்
அழைத்துச் சென்ற அதே முகங்கள்
கடுகடுவென்று வேறுமுகம் காட்டின
அழைத்துச் சென்றவாறே திரும்ப அனுப்புவதாக
எழுதப்பட்ட ஆவணங்களில் கையொப்பமிட்ட பிற்பாடு
எதிர் அறையிலிருந்த மேசைக்காரரைத் தரிசித்து
யாருக்கும் தெரியாமல்
இரண்டு பிங்க் நிற பேப்பர்களைத் தர நேர்ந்தது.

படர்க்கை - கவிதை

“திரும்பிச் செல்வதற்குக்கூடக் காகிதங்களேதுமில்லை”
என்று மன்றாடிய பிற்பாடு
ஒரே ஒரு மரப்பச்சைக் காகிதம் மாத்திரம்
அலட்சியமாக விசிறியடிக்கப்பட்டது.
எதுவும் பேசாமல்
விட்டத்து இருளை வெறித்த
பொம்மையின் கைப்பற்றியவாறு
மீட்டரெல்லாம் ஆகாது.
ஒரே ரேட் இருநூறு ரூபாய்
கறாருக்குப் பின்னதான கருணையோடு
ஆட்டோ யூடர்ன் அடித்து
ஏறுவதற்கு வாகாய் நின்றபோது
படர்க்கையிலிருந்து
பெருங்குரலில்
மாரிலடித்து அழுதவாறே
உள்ளோடுகிறவர்கள்
விசாரணையின்போது
இறந்துபோன
மற்றொரு பொம்மையின்
உறவுக்காரர்களாய்
இருக்கக்கூடும்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism