Published:Updated:

10 செகண்ட் கதைகள்

10 செகண்ட் கதைகள்
பிரீமியம் ஸ்டோரி
10 செகண்ட் கதைகள்

ஓவியங்கள்: செந்தில்

10 செகண்ட் கதைகள்

ஓவியங்கள்: செந்தில்

Published:Updated:
10 செகண்ட் கதைகள்
பிரீமியம் ஸ்டோரி
10 செகண்ட் கதைகள்
10 செகண்ட் கதைகள்

சம்மர்

``சம்மரில் உங்கள் குழந்தைகளுக்கு டிராயிங்.. ஹேண்ட் ரைட்டிங்...அபாகஸ் எனக் கற்றுத் தருகிறோம், வாருங்கள்..'' என்ற விளம்பரத்தில் நடித்து முடித்த ஹீரோ, மனைவி குழந்தைகளுடன் புறப்பட்டார், சுற்றுலாவுக்கு!

- சி.சாமிநாதன்

10 செகண்ட் கதைகள்

ஒட்டுமொத்த விகடனுக்கும் ஒரே ஷார்ட்கட்!

கண்டிஷன்

`மணமகன் தேவை' விளம்பரத்தில் ஃபேஸ்புக் அக்கவுன்ட் இருக்கக் கூடாது என்ற கண்டிஷனையும் சேர்த்தாள்.

- ரேகா ராகவன்

10 செகண்ட் கதைகள்

உதவி

``உதவிக்கு நர்ஸ் இருக்காங்க. பயப்படாதீங்க ...''

என பைபாஸ் சர்ஜரி செய்துகொண்ட அப்பாவுக்கு ஆறுதல் சொல்லிவிட்டு, வேலைக்குக் கிளம்பினான் மகன்!

பெ.பாண்டியன்

10 செகண்ட் கதைகள்

பார்வை

``தப்பு செஞ்சா மேலே இருந்து ஒருத்தன் பார்ப்பான்!" என்றதும், "கேமிராவாப்பா?" என்றது குழந்தை.

- கி.ரவிக்குமார்

10 செகண்ட் கதைகள்

எலிமினேட்

``எலிமினேட் பண்ணும்போதும் அழமா, சிரிச்சிக்கிட்டே பேட்டி கொடுக்கிறாங்களே... இதுதான் ஐ.பி.எல். கிரிக்கெட்டாப்பா?'' என்றாள் திவ்யா அப்பாவிடம்!

-கே.சதீஷ்

10 செகண்ட் கதைகள்

முத்தம்

அந்தக் காதல் ஜோடி நிரந்தரமாகப் பிரியும் தருணம்...

கடைசியாக ஒருமுறை வாட்ஸ்அப் ஸ்மைலி மூலம் முத்தம்கொடுத்துக்கொண்டனர்!

- ஃபெரோஸ்கான்

10 செகண்ட் கதைகள்

ஜாக்கிரதை

"சண்டை போடாம இருங்க" என ஊருக்குப் போகும் முன் அப்பா அம்மாவிடம் சொல்லிவிட்டுப் போனது குழந்தை.

-கோ. பகவான்

10 செகண்ட் கதைகள்

பயம்

மனைவி அடிக்க வந்ததும் பயந்து நடுங்கினார் ஸ்டன்ட் மாஸ்டர்.

-அபிசேக் மியாவ்.

10 செகண்ட் கதைகள்

நட்பு

``ஃபேஸ்புக்ல ஏன் என்னை அன்ஃப்ரெண்ட் பண்ணிட்ட?" எனக் கேட்டதும், ``நேத்து கடன் கேட்டேனே கொடுத்தியா?'' என்றான் நண்பன்.

 -பவான்ராஜ்

10 செகண்ட் கதைகள்

கடவுள்

இறந்துபோன தன் அப்பாவின் போட்டோவைப் பார்த்து கடவுள் படத்தை வரைந்துகொண்டிருந்தாள்  ரம்யா!

- கே.மணிகண்டன்

10 செகண்ட் கதைகள்

ஷுகர்

``போர் அடிக்குது. அப்படியே வெளிய போய் ஷுகர் டெஸ்ட் பண்ணிட்டு மாத்திரை வாங்கிட்டு வரலாமா?'' என்றார் சுந்தரம், மனைவியிடம்!

- ரியாஸ்

10 செகண்ட் கதைகள்

அதிகபட்சம் 10 நொடிகளுக்குள் வாசித்துவிடக்கூடிய ‘நச்’ கதைகள் அனுப்ப வேண்டும். பிரசுரமானால் பரிசு  ரூ.500. உங்கள் கதைகளை 10secondstory@vikatan.com என்ற ஐ.டி-க்கு அனுப்பலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism