Published:Updated:

ஜூ.வி நூலகம்: தி.மு.க-வின் உள் அரசியலை பேசுகிறது!

ஜூ.வி நூலகம்: தி.மு.க-வின் உள் அரசியலை பேசுகிறது!
பிரீமியம் ஸ்டோரி
ஜூ.வி நூலகம்: தி.மு.க-வின் உள் அரசியலை பேசுகிறது!

ஜூ.வி நூலகம்: தி.மு.க-வின் உள் அரசியலை பேசுகிறது!

ஜூ.வி நூலகம்: தி.மு.க-வின் உள் அரசியலை பேசுகிறது!

ஜூ.வி நூலகம்: தி.மு.க-வின் உள் அரசியலை பேசுகிறது!

Published:Updated:
ஜூ.வி நூலகம்: தி.மு.க-வின் உள் அரசியலை பேசுகிறது!
பிரீமியம் ஸ்டோரி
ஜூ.வி நூலகம்: தி.மு.க-வின் உள் அரசியலை பேசுகிறது!

திராவிட இயக்கத்தின் அறிவுச் சொத்துகளில் குறிப்பிடத்தக்கவர் க.திருநாவுக்கரசு. நூறு ஆண்டுகள் வரலாறு கொண்ட அந்த பாரம்பர்யத்தின் எந்தப் பக்கத்தைக் கேட்டாலும் எந்தப் புத்தகத்தையும் திருப்பாமல் பதில் சொல்லக் கூடியவர் இவர். திராவிட இயக்கத்தின் வேர்கள், தூண்கள், திராவிட இயக்கமும் திரைப்பட உலகமும், நீதிக்கட்சி வரலாறு ஆகிய புத்தகங்களை எழுதி வெளியிட்டிருக்கும் இவர், 1949 முதல் 1969 வரையிலான தி.மு.க. வரலாற்றை ஆறு பாகங்களாக எழுத ஆரம்பித்து, அதில் முதல் மூன்று பாகங்களை மட்டும் (அதாவது 1949-1959) இப்போது வெளியிட்டுள்ளார். மீதி தொகுதிகள் அடுத்தடுத்து வர இருக்கின்றன.

முடியாட்சி வரலாறுகள் மன்னர்களுக்கு மட்டுமே தொடர்புடையவை அல்ல, மக்களும் அதில் முக்கியம் என்பதைப்போல கட்சிகளின் வரலாற்றில் தலைவர்கள் மட்டுமே முக்கியமல்ல; தொண்டனும் முக்கியம். திருநாவுக்கரசுவின் பாணி இதுதான். தி.மு.க. தலைவர்களின் பார்வையில் எழுதாமல் தொண்டர்களின் வரலாற்றோடு எழுதி இருக்கிறார். இந்த இரண்டாயிரம் பக்கங்களில் நூற்றுக்கணக்கான தொண்டர்கள் வந்து போகிறார்கள். படுகொலை செய்யப்பட்ட தூத்துக்குடி கே.வி.கே.சாமி, வண்ணை கே.எஸ். பாண்டியன், தூத்துக்குடி தாளமுத்து என மறக்கப்பட்ட தியாகிகள் நினைவு கூறப்படுகிறார்கள்.

ஜூ.வி நூலகம்: தி.மு.க-வின் உள் அரசியலை பேசுகிறது!

பொதுவாகவே வரலாறுகள் ஆண்டுகளின் வரிசையாகவோ, அல்லது ஏற்கனவே தெரிந்த செய்திகளின் தொகுப்பாகவோ மட்டும் இருக்கும். ஆனால் திருநாவுக்கரசு, மறைக்கப்பட்ட மறந்துபோன செய்திகளையே வெளியே இழுத்து வருகிறார். கருணாநிதிக்கும் கண்ணதாசனுக்கும் உண்மையில் ஏன் சண்டை ஏற்பட்டது, தி.மு.க.வுக்கும் ‘தினத்தந்தி’க்கும் நடந்த பிரச்னைகள், சிவாஜிகணேசன் திருப்பதி சென்றது ஏன், ஐம்பெரும் தலைவர்கள் என்ற பெயர்ப்பட்டியலே தி.மு.க.வில் உண்டா, முதுகுளத்தூர் கலவரத்தில் தி.மு.க. எடுத்த நிலைப்பாடு, ‘நாத்திகம்’ ஏட்டின் மீது தி.மு.க. நடவடிக்கை எடுத்தது ஏன்? என்பது மாதிரியான உள் அரசியல் முதன் முதலாகப் பேசப்படுகிறது. மொழிவாரி மாகாணப்பிரிவினைக் காலத்து தி.மு.க.வை முழுமையாக அறியலாம்.

அந்தக் காலத்தில் கூட்டம் எப்படி நடக்கும், மாநாடுகள் எப்படி நடக்கும், பந்தல் வரிசை, சுவரொட்டி விளம்பரங்கள், பேச்சாளர்களுக்குப் பட்டம் கொடுத்தது, யார் யார் எப்படி பேசுவார்கள், எழுதுவார்கள் என்ற சுவாரஸ்யமான தகவல்கள் எல்லாப் பக்கங்களிலும் தூவப்பட்டுள்ளன. தி.மு.க.வுக்கும் திரையுலகத்துக்குமான தொடர்பை உள்வாங்க முடியும்.

பல்வேறு பலவீனங்கள், தோல்விகள், பின்னடவுகள், தேய்வுகளுக்கு மத்தியிலும் ஒரு இயக்கம் எப்படி இன்னமும் உயிர்வாழ்கிறது என்பதற்கான ஆதாரம் இந்தப் புத்தகம். தி.மு.க-வைப் பற்றி மற்றவர்கள் மட்டுமல்ல தி.மு.க-வினரே முதலில் வாசிக்க வேண்டிய புத்தகம்.

திமுக வரலாறு
(3 தொகுதிகள்)

க.திருநாவுக்கரசு, நக்கீரன் பதிப்பகம்,
1, அன்னை நாகம்மை தெரு, மந்தைவெளி
சென்னை - 28
தொடர்புக்கு: 9841545516

விலை: ரூ.1,800  (மூன்று தொகுதிகள் சேர்த்து)

- புத்தகன்