Published:Updated:

உழவனின் வேதனை!

விகடன் விமர்சனக்குழு

சுட்டி ஸ்டார்ஸ் ஸ்பெஷல்ஓவியங்கள்: ஜி.ராமமூர்த்தி

பிரீமியம் ஸ்டோரி

ராஜேஷ் கோடை விடுமுறைக்காகப் பெற்றோருடன் அந்த மலைப்பிரதேசச் சுற்றுலாத்தலத்துக்கு வந்திருந்தான். வானை எட்டிவிடுவதுபோல உயர்ந்து நிற்கும் மரங்கள், மெல்லிய பனிப்படலம், திரும்பிய திசையெல்லாம் பசுமை என அந்த இடமே ரம்மியமாக இருந்தது. அதற்கு இணையாகக் கூட்டமும் இருந்தது. தங்கை ஷாலினியின் கைப்பிடித்துக்கொண்டு பல இடங்களை உற்சாகமாகச் சுற்றிப்பார்த்தான். ஆங்காங்கே விற்ற சூடான தின்பண்டங்கள், குளிர்ந்த பானங்களை இருவரும் வாங்கிப் பருகினார்கள். அங்கே ஒரு கடையில் கேரட் கட்டுகள் ப்ரெஷ்ஷாக இருந்தன.  

உழவனின் வேதனை!

‘‘அப்பா... அப்பா... கேரட்’’ என்றாள் ஷாலினி.

“வீட்டிலே வேண்டி வேண்டிக் கொடுத்தாலும் சாப்பிடறதில்லே. இப்போ பாரு’’ என்றார் அம்மா.

‘‘ஒரு கட்டு கொடுங்க’’ என்று அப்பா வாங்கிய போது, ‘‘எனக்குத் தனியா ஒரு கட்டு வேணும்’’ என்றான் ராஜேஷ்.     

உழவனின் வேதனை!

அப்போது பக்கத்தில் வந்துநின்ற ஒருவர், ‘‘தம்பி ஒரு கட்டுலேயே நிறைய இருக்கு. அதுக்கும் மேலே சாப்பிடுவீங்கன்னா இன்னொரு கட்டு வாங்குங்க. இல்லே, ஒண்ணே போதும்’’ என்றார். அவர் குரலில் கொஞ்சம் அதிகாரமும் உரிமையும் இருந்தன.

“விற்கிறவர் அவர்; காசு கொடுக்கப்போவது நான். நீங்க யாரு?’’ எனக் கேட்டார் அப்பா.

‘‘நான் ஒரு விவசாயி. ஒரு விதையை முளைக்கவைக்க எவ்வளவு கஷ்டப்படணும்னு தெரிஞ்சவன்’’ என்றார் அவர்.

எல்லோரும் சில நொடிகள் அமைதியாக, ‘’ஒரு கட்டு வாங்குங்க போதும்ப்பா’’ என்றான் ராஜேஷ்.

உழவனின் வேதனை!

வி.தனேஷ், ஸ்ரீ நாராயண மிஷன் மேல்நிலைப் பள்ளி, மேற்கு மாம்பலம், சென்னை

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு