Published:Updated:

ஜூ.வி நூலகம்: அச்சிட்ட தாள்களே ஆயுதங்கள்!

ஒட்டுமொத்த விகடனுக்கும் ஒரே ஷார்ட்கட்

Use App
ஜூ.வி நூலகம்: அச்சிட்ட தாள்களே ஆயுதங்கள்!
ஜூ.வி நூலகம்: அச்சிட்ட தாள்களே ஆயுதங்கள்!

ஜூ.வி நூலகம்: அச்சிட்ட தாள்களே ஆயுதங்கள்!

பிரீமியம் ஸ்டோரி

கீதா பிரஸ் - அனைவரும் கேள்விப்பட்டு இருப்பீர்கள். இந்து மதம் சார்ந்த அனைத்துப் புத்தகங்களையும் முதலில் வெளியிட்டும், அதை இயக்கமாகவும் ஆக்கிய நிறுவனம். அதாவது, வியாபாரமாக மட்டும் இல்லாமல் இந்துத்வத்தை இந்தியா முழுக்க பரப்பும் நோக்கத்துடன் பல்வேறு மொழிகளில் அந்தப் பதிப்பகம் புத்தகங்களை வெளியிட்டது. ‘ஒரு மதம் சார்ந்த கருத்தியலை வளர்க்க ஒரு பதிப்பகம் எப்படியெல்லாம் பயன்பட்டது’ என்பதைச் சொல்லும் புத்தகம்தான் இது. பத்திரிகையாளர் அக்‌ஷய முகுல் எழுதி இருக்கிறார்.

அனுமன் பிரசாத் போத்தார், ஜெய் தயாள் கோயந்த்கா என்ற இரண்டு பேர் சேர்ந்து உருவாக்கிய நிறுவனம் இது. முதலில் பகவத் கீதையை மட்டுமே வெளியிடுகிறார்கள். அதன்பிறகு இந்து மதம் சார்ந்த அனைத்து நூல்களையும் வெளியிடத் தொடங்குகிறார்கள். நூறு ஆண்டுகளுக்கு முன்னால் இந்துக்களுக்கும் இஸ்லாமியர்களுக்கும் அரசியல் போட்டிகள் உருவாகத் தொடங்கிய காலத்தில்... ஆர்.எஸ்.எஸ், இந்து மகாசபை போன்ற அமைப்புகள் தொடங்கப்பட்ட காலத்தில்... தேவை உணர்ந்து கீதா பிரஸ் தொடங்கப்பட்டுள்ளது. நாட்டு விடுதலையோடு சேர்ந்து மதப் பிரச்னையும் பேசப்பட்டது. இன்று மிகப் பரபரப்பாக பேசப்படும் பசுப் பாதுகாப்பும் அன்று இயக்கம் ஆனது. ‘‘தேசியம் மற்றும் இந்து மீட்டுருவாக்கம் ஆகியவற்றுக்கிடையில் மெல்லிய இடைவெளி மட்டுமே இருந்தது’’ என்கிறார் முகுல்.

ஜூ.வி நூலகம்: அச்சிட்ட தாள்களே ஆயுதங்கள்!

அந்த இடைவெளி கூட இல்லாமல் நாட்டு தேசியத்தையும் இந்து தேசியமாகக் கட்டமைக்க கீதா பிரஸ் முயற்சி எடுத்தது. பகவத் கீதை, இராமாயணம், மகாபாரதம், இந்து புராணங்கள், உபநிடதங்கள் ஆகியவற்றை அச்சடித்துத் தள்ளியது கீதா பிரஸ். ‘சம கால இந்து சமூகத்தில் நிலவும் பிரச்னைகள் மற்றும் சமூக ஒழுக்கம், சமூக நடைமுறைகளுக்கு அந்த இருண்ட காலம் தரும் அச்சுறுத்தல் ஆகியவற்றுக்குத் தீர்வு காண்பதே தனது நோக்கம்’ என்று இந்தப் பதிப்பகம் சொல்லிக் கொண்டது. இப்போது வரை அதை விடாமல் வைராக்கியமாகக் கடைப்பிடித்து வருகிறது.

‘‘அச்சிட்ட தாள்கள் கொண்டு தனது ஆதரவை ஆயுதமாகக் கொண்ட கீதை பதிப்பகம், இந்து தனி அடையாளத்தைத் தூக்கிப் பிடித்தும், சனாதன இந்து தர்மத்துக்கு அச்சுறுத்தலாகத் தோன்றுவனவற்றைத் தீவிரமாக எதிர்த்தும் வந்தது” என்பதற்கான ஆதாரங்களை அவர்கள் வெளியிட்ட புத்தகங்கள், இதழ்கள் மூலமாக இந்நூலில் விவரிக்கப்படுகிறது. இதில் மேற்கோள் காட்டப்பட்ட கருத்துகள்தான் இன்று இந்துத்துவ அரசியல்வாதிகளால் பொறி பறக்க உச்சரிக்கப்படுகின்றன.

ஒரு கருத்தாக்கத்தை வளர்க்க ஒரு பதிப்பகத்தால் என்ன செய்ய முடியும்? எல்லாமே செய்ய முடியும். அதற்கான ஆதாரம்தான் இந்தப் புத்தகம்!

இந்து இந்தியா கீதா பிரஸ்:

அச்சும் மதமும்


- அக்‌ஷய முகுல் 

தமிழில்: அறவணன் 

விடியல் பதிப்பகம்,
23/5, ஏ.கே.ஜி. நகர்,
3வது தெரு,
உப்பிலிபாளையம் அஞ்சல், கோயம்புத்தூர்.
தொடர்புக்கு: 9443468758  விலை: ரூ.650/-

- புத்தகன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு