Published:Updated:

தரை தட்டிய தமிழ்நாடு! - தொங்கும் தொழில் வளர்ச்சி

தரை தட்டிய தமிழ்நாடு! - தொங்கும் தொழில் வளர்ச்சி
பிரீமியம் ஸ்டோரி
News
தரை தட்டிய தமிழ்நாடு! - தொங்கும் தொழில் வளர்ச்சி

தரை தட்டிய தமிழ்நாடு! - தொங்கும் தொழில் வளர்ச்சி

தையே எதிர்க்கட்சிகள் சொன்னால், ‘அரசியல் செய்கிறார்கள்’ என அலட்சியப்படுத்தலாம். ஏதோ ஒரு தனியார் அமைப்பு ஆய்வு செய்து சொன்னால், ‘அவதூறு பரப்புகிறார்கள்’ எனக் கொந்தளிக்கலாம். ஆனால், சொன்னது இந்திய ரிசர்வ் வங்கி. ‘இந்தியாவின் மிகப்பெரிய உற்பத்தி மாநிலங்களில் ஒன்றாகக் கருதப்படும் தமிழ்நாடு, வளர்ச்சிப் பாதையிலிருந்து விலகி வேறு திசையில் வெகுதூரம் போய்க் கொண்டிருக்கிறது’ என்ற கவலையைத் தருகின்றன இந்தப் புள்ளிவிவரங்கள்.

இந்திய மாநிலங்களின் வளர்ச்சி குறித்த புள்ளிவிவரக் கையேடு ஒன்றை ரிசர்வ் வங்கி ஆண்டுதோறும் வெளியிடுகிறது. 2016-17 நிதியாண்டுக்கான ஆய்வறிக்கை, கடந்த சனிக்கிழமை வெளியானது. அதில் தமிழ்நாடு பற்றிய தகவல்கள், நாம் மகிழும்படியாக இல்லை. இவை வெறும் எண்கள் அல்ல, நாம் சந்திக்கப் போகும் ஆபத்தை உணர்த்தும் குறியீடுகள்.

தரை தட்டிய தமிழ்நாடு! - தொங்கும் தொழில் வளர்ச்சி
தரை தட்டிய தமிழ்நாடு! - தொங்கும் தொழில் வளர்ச்சி

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

 உற்பத்தித் துறை வளர்ச்சியில் தமிழகம் மிகவும் பின்தங்கி இருக்கிறது. 2015-16 நிதியாண்டில் ரூ.1,38,368 கோடியாக இருந்த உற்பத்தி மதிப்பு, கடந்த நிதியாண்டில் வெறும் 2,280 கோடி மட்டுமே அதிகரித்து ரூ.1,40,648 கோடியாக உயர்ந்துள்ளது. இது வெறும் 1.64% வளர்ச்சியாகும். உற்பத்தித் துறையில் ஆந்திரா 10.36% வளர்ச்சியுடன் முதலிடத்தையும், மத்தியப்பிரதேசம் (7.41%), தெலுங்கானா (7.10%) ஆகியவை அடுத்த இரு இடங்களையும் பிடித்துள்ளன. சரியான கட்டமைப்பு வசதிகள் இல்லாத புதுச்சேரி கூட 2.40% வளர்ச்சியை எட்டியுள்ளது.

தரை தட்டிய தமிழ்நாடு! - தொங்கும் தொழில் வளர்ச்சி

தொழில்துறை வளர்ச்சியும் சொல்லிக்கொள்ளும்படி இல்லை. தமிழகத்தின் தொழில் உற்பத்தி மதிப்பு ரூ.3,06,317 கோடியிலிருந்து ரூ.3,18,497 ஆக உயர்ந்திருக்கிறது. இது வெறும் 3.97% வளர்ச்சி மட்டுமே. அதேநேரத்தில் ஆந்திரா 10.06% வளர்ச்சி பெற்று முதலிடம் பிடித்திருக்கிறது. தெலுங்கானா 7.55% வளர்ச்சியுடன் இரண்டாவது இடத்தையும், மத்தியப்பிரதேசம் 5.98% வளர்ச்சியுடன் மூன்றாவது இடத்தையும் பிடித்துள்ளன. தொழில் தொடங்க முன்வந்த நிறுவனங்களை விரட்டி அடித்ததன் விளைவு இது.

மற்ற மாநிலங்களோடு ஒப்பிடும்போது தமிழகத்தில் கட்டமைப்பு வசதிகள் அதிகம். மூன்று பெரிய துறைமுகங்கள், எல்லா நகரங்களிலும் விமான நிலையங்கள், ரயில் வசதி, தேசிய நெடுஞ்சாலைகள், மின் வசதி என எதற்கும் குறைச்சல் இல்லை. ஆனால், பெரு நிறுவனங்கள் தொழில் தொடங்க வருவதற்கும், உற்பத்தி பெருகுவதற்கும் இதைத் தாண்டி சில விஷயங்கள் தேவை. நிலையான அரசு வேண்டும்; நல்ல நிர்வாகம் வேண்டும்; தொழில் ஒப்பந்தங்களில் வெளிப்படைத் தன்மை வேண்டும்; எதற்கெடுத்தாலும் பணம் பிடுங்கும் நிலைமை இருக்கக் கூடாது. இந்த விஷயங்கள்தான் தமிழகம் சரிவைச் சந்திப்பதற்கு முக்கிய காரணங்களாக இருப்பதாக சொல்கிறார்கள் பொருளாதார நிபுணர்கள்.

தரை தட்டிய தமிழ்நாடு! - தொங்கும் தொழில் வளர்ச்சி

தொழில் துறைதான் இப்படி இருக்கிறது என்றால், விவசாய உற்பத்தியும் அபாயகரமாகவே இருக்கிறது. நிலையான விலைக்குறியீடுகளின் அடிப்படையில் 27.04% விவசாய வளர்ச்சியுடன் மத்தியப்பிரதேசம் முதலிடத்தைப் பிடித்திருக்கிறது. தெலுங்கானா 19.07% வளர்ச்சியும், ஆந்திரா 9.20% வளர்ச்சியும் அடைந்துள்ளன. ஆனால், தமிழகம் விவசாயத்தில் மைனஸ் 8.00% வீழ்ச்சி பெற்றுள்ளது. 2015-2016 நிதியாண்டில் தமிழகத்தின் வேளாண் உற்பத்தி மதிப்பு ரூ.47,678 கோடியாக இருந்தது. கடந்த ஆண்டில் இது ரூ.43,871 கோடியாக சரிந்திருக்கிறது. கடந்த ஆண்டில் மத்தியப் பிரதேசத்தின் வேளாண் உற்பத்தி மதிப்பு ரூ.1,11,200 கோடியாகும். இது தமிழகத்தின் உற்பத்தி மதிப்பை விட கிட்டத்தட்ட இரண்டரை மடங்கு அதிகம். கடந்த ஆண்டு இந்தியாவை வாட்டி வதைத்த வறட்சிக்கு எந்த மாநிலமும் தப்பவில்லை. ஆனாலும் மத்தியப்பிரதேசம், தெலுங்கானா ஆகிய மாநிலங்கள் விவசாய உற்பத்தியில் இரட்டை இலக்க வளர்ச்சியை எட்டின. கடந்த ஆண்டு எதிர்மறை வளர்ச்சியை அடைந்துள்ள ஒரே மாநிலம் தமிழகம் மட்டுமே.

தொழிலாளர்களும் விவசாயிகளுமே இங்கு பெரும்பான்மை. தொழிலில் முதலீடு செய்பவர்களும் சந்தோஷமாக இல்லாமல், தொழிலாளர்களும் மகிழ்ச்சியில் இல்லாமல், விவசாயிகளும் நிறைவு பெறாமல் தரை தட்டிய கப்பலாக தடுமாறி நிற்கும் ஒரு மாநிலத்தின் எதிர்காலம் குறித்து நாம் கவலைப்படாமல் எப்படி இருக்க முடியும்? ரிசர்வ் வங்கியின் புள்ளிவிவரக் கையேடு, அந்தக் கவலையைத்தான் நமக்கு ஏற்படுத்தி இருக்கிறது.

‘சரி, தமிழ்நாட்டுக்கு எதிலுமே முதலிடம் இல்லையா?’ என்று நீங்கள் கேட்கலாம். இருக்கிறது. அதுவும் அவமானகரமான இடம்தான். கடந்த 2016-17 நிதியாண்டில் வருவாய் பற்றாக்குறை உள்ள மாநிலங்கள் பட்டியலில் தமிழகத்துக்கே முதலிடம். 2012-13 நிதியாண்டில் 1,760 கோடி ரூபாய் வருவாய் உபரி இருந்த மாநிலம் தமிழகம். இப்போது 15,850 கோடி ரூபாய் பற்றாக்குறை. ஐந்தே ஆண்டுகளில் எட்டு மடங்கு பற்றாக்குறை எகிறி இருக்கிறது. இதேபோல் தமிழகத்தின் ஒட்டுமொத்த பற்றாக்குறையும் இரண்டே ஆண்டுகளில் இரண்டு மடங்கு அதிகரித்து உள்ளது. நல்ல நிர்வாகம்!

‘100 நாள் சாதனை’ என்று விளம்பரங்கள் செய்வதையும், 110 விதியின்கீழ் அறிவிப்புகள் வெளியிடுவதையும் விட்டுவிட்டு, தமிழகம் கடைசி இடத்துக்கு ஏன் வந்தது என்ற காரணங்களை உணர்ந்து தீர்வுகள் தேடுவதே இப்போது அவசியம்.
 
- தி.முருகன்
அட்டை கிராஃபிக்ஸ்: கார்த்திகேயன் மேடி